د کرکټ لوبه اومونږ

 ليکوال :طارق عزيز

پدى اوس کى چه د کرکټ لوبه خپل اوج ته رسيدلې او مينه وال يي خورا زيات دي؛ زمونږ ولس هم ورسره اشنايي پيدا کړې د ځوانانو بر سېره زاړه هم ورسره مينه کوي ! اوس دکرکټ لوبه افغانانو ته يو لوى سر دردى جوړه شوي ؛ د ځوانانو د راتلونکى دتباه کوونکى وبا په څير ګرځيدلې ، اوسنى وخت ته په کتو سره زماپه اند 50% افغانان ځوانان غواړى چه په ملى لوبډله کى ولوبيږى او پاتى نور يي غواړى تر څو د ملت ريښتونى نمائنده ګى او خدمت وکړى ؛ اوس سوال پيدا کيږى چه: ايا زمونږ دملت پرمختګ يواځي په کرکټ پورى تړلى دى؟ ايا د اوسنيو حالاتو او بد مرغيو د حل لاره يواځى د کرکټ لوبه ده ؟ آيا د ملت ريښتينى نماينده ګى همدوى لوبغاړي دي ؟

ځواب به مو دا وى چه نه .!

هو زه د کرکټ د لوبى مخالف نه يم ,خو حتمى ګڼم چه د ځان اصلاح هم وکړو , پدى اوس وخت کى په ټولنيزو شبکو کى په سلګونو داسى ادارې شته چه په همدى لوبه تبصرى او ليکنې کوى پر ځاى ددى چه په خلکو کى د وطن د استقلال او اذادئ ؛ زده کړى او تعليم ، اتفاق او اتحاد ،د سولى سوکالئ ، د هيواد د ابادۍ ، پر مختګ شعور او احساس رابيدار کړي؛دې کار ته يي خپله وظيفه ويلى ده . ليکنه لنډوم،او په خپل اصلى هدف غږيږم : لوبه به کوو،ملى لوبډله به سپورټ کوو،خو تر څنګ يى د ځوانانو په افکارو هم کار کارکول ضرور ګڼم پدى ډول چه هغوئ ذده کړى ته هم وهڅوو، هغوئ سره د دهيواد د سوکالۍ په تيره بيا د اذادۍ، خوش اخلاقئ ، د يو بل سره د همغږئ اتحاد او اتفاق حس ژوندئ کړو .