زياتېدونکې نا امنۍ به د کډوالو شمېر لا پسې زيات کړي

« سرليکنه »
اروپايي اتحاد يې وړمه ورځ اعلان خپور کړ، چې له دې وروسته به د دوی هېوادونو ته د ورتلو نکو کډوالو شمېر کې کموالی را ولي.
دا چې ورځ په ورځ د کډوالو په شمېر کې زياتوالی راځي سره له دې ، چې موږ څو هېوادونو ته د کډوالو د منلو بار په اوږو ور اچولی دی ؛ خو هېواد په خپلو ستونزو اخته دی.
د ارو پايي اتحاد يې اعلاميه د برسلز په غونډه کې، چې د کډوالو په اړه جوړه شوې وه په داسې حال کې خپره شوه، چې هره اونۍ اروپا ته په تلونکو کډوالو کې زياتوالی راځي. د برسلز په غونډه کې دکډوالو لپاره د ملګرو ملتونو د سازمان د عالي کمشنر مشرانو د برسلز په غونډه کې، چې د يو شمېر هيوادو نو د کورنيو چارو د وزيرانو په سطحه جوړه شو ې وه، ويې ويل: بايد ورځ په ورځ د زياتيدونکو کډوالو مخه و نيسو ، که اروپايي هېوادونه ټولو کډوالو ته غېږ پرانيزي ؛ نو په يو شمېر هېوادونو کې، چې نا امني صورت نه لري، د ښه ژوند تېرولو په خاطر به هم کډوال اروپاته روان وي.
په دې غونډو کې د فرانسې د کورنيو چارو وزير برنار ډ کزنيف فرانسې د خپل هېواد په شمال کې کډوالو ته د کمپ د ړنګولو اراده نه ده کړې.
دا مهال د فرانسې د ځنګل په نامه، چې په شمال کې موقعت لري تر۵۰۰۰ پورې کډوال په عارضي توګه ميشت شوي دي ، غواړي له منځني ختيځ څخه برتانيې او نورو هېوادونو ته لاره وکړي.
د ۲۰۱۴ او ۲۰۱۵ په کلونوکې اروپايي هېوادونو ته د عراق، سوريې افغانستان او نورو يوشمېر هېوادونو لخوا د سختو نا امنيو له امله مخه کړې ده اروپايي اتحاد يه، چې د کډوالو په اړه کومه خبره کوي دا بايد لومړی د ملګرو ملتونو امنيت شورا سره غونډه وکړي، چې د وسلو پلورونکو هېوادونو، چې په سر کې يې امريکاده هغوی ته ووايي، چې د خپلو وسلو د پلورلو په خاطر په عربي او ا سيايي هېوادو نو کې نا امني نه جوړوي.
امريکا او ورسره څو د ناټو غړو هېوادو نو د خپلو وسلو د پلورلو لپاره په خليج، اسيايي او ورپسې په يوشمېرعربي هېوادونوکې د جګړو اور بل کړی دی ،د هر دولت په مقابل کې وسله والو مخالفينو ته په غيرمستقيم ډول او خپله دولت سره په مستقيم ډول د وسله والو د پلورلو معامله کوي، چې دا مهال ترټولو هېوادو نو د امريکا د وسلو جوړولو ماشين زيات څرخېږي.
اروپايې هېودونه بايد لومړی د وسلو جوړولو د ماشين چې امريکايې په دې نا امنه هېوادونوکې پلوري مخه ونيسي ،د زياتيدونکو کډوالو شمېر به بيا راکم شي او که مخه يې ونه نيسي ؛ د زياتو جګړو له مخې به د کډوالو شمېر هم زياتېږي.