کابل ټکی کام (دوشنبه، ۲۶ وږی، ۱۴۰۳ل)
اسرائیلي رسنیو خبر ورکړی، چې د یمني ځواکونو یو توغندي د ۲زره کیلومټره په واټن وهلو سره د اسرائیلو اوسپنې پټلۍ لار په نښه کړې.
الجزیرې خبري شبکې د اسرائیلي پوځ د چارواکو له قوله ویلي، دغه توغندی د پلازمېني تل ابیب(اشغالي فلسطین) په ختیځ کې د بن ګوریون هوایي ډګر ته څېرمه د پراخې اورلګېدنې لامل شوی دی.
د اسرائیلي چارواکو د معلوماتو له مخې دې توغندي ۲زره کیلومټره واټن وهلی چې له ختیځ سرحد څخه اسرائیلو هوایي حریم ته دننه شوی دی.
هغه ویډیوګانې چې په رسنیو او ټولنیزو شبکو لاس په لاس کېږي ښيې چې په دغه توغندیز برید کې د اسرائیلو رېل پټلۍ ته درانه زیانونه اوښتي دي.
