کابل ټکی کام ۲۳وږی/۱۳۹۴
راپور: احمدالله مهاجر
د بغلان له اندراب ولسوالۍ څخه په ترلاسه شویو راپورونو کې ویل شوي دي چې د مشهور اربکي قمندان اقبال په شمول ۳۵تنه اربکیان طالب وسله والو ته تسلیم شوي دي.
خبر وایي چې دوی له ځانه سره ۳۵میله سپکې او درنې وسلې هم تر وسله والو طالبانو رسولي دي.
شنونکي وایي چې دا څو ورځې مسلسل اربکیان او پولیس یا د تنخواګانو او نورو مشکلاتو له کبله دنده پریږدي، او یا خو په جګړه کې د وېرې له کبله طالب وسله والو ته ځانونه تسلیموي.
دوی وایي چې دا د حکومت په کمزورۍ ښه څرګند دلیل دی.
