کابل ټکی کام ۲۴وږی/۱۳۹۴
راپور: فیصل روښان
د پاریس په شمال لويديځ د «پنتاوز» په ښار کې امام د وينا پر مهال د «Femen» ډلې دوو بربنډو مېرمنو جوړ شوی اسلامي کنفرانس بهير وځنډاوو.
د لويديځو رسنیو د خبر په بنیاد دغه دوه مېرمنې هغه مهال سټېج ته وختې کله چې یوه مسلمان امام د کنفرانس ګډون کونکو ته وینا کوله.
دغه راز دغو داوړو ميرمنو په خپل بدن لیکلي وه چې مونږ د هیچا ښځې نه یو د خپلو ځانونو خاوندانې او پیغمبرانې یو په عربي او فرانسوي ژبو يي د اسلام پر خلاف شعارونه ورکول.
د فرانسې رسنیو د خبر له مخې، دغه دواړې مېرمنې هغو پولیسو ته وسپارل شوې چی د پیښی ځای ته راغلي وو.
دغه «Femen» فرانسه کې د ښځو یوه ډله ده چې په اکثرو مجلسونو ، اسلامي غونډو او خاص کر چي بهرني لوړپوړي مېلمانه فرانسې ته ورشي دوی بربنډې ورځي او مجلسونه يي مختلوي.
