حامد افغان
رسول الله ﷺ فرمایي: شریر او بېلارې خلک به پاتې شي، د خرو په څېر به د خلکو په وړاندې یوه بل سره زنا کوي! عن النواس بن سمعان قال قال: رسول الله ﷺ: يبقى شرار الناس يتهارجون تهارج الحمر. رواه مسلم
علامة النووي رحمه الله وایي: “يتهارجون” یعني شرم به دومره له منځه تللی یي! چې سړي به ښځو سره د خلکو مخکې زنا کوي! لکه خره!
په دې اړه د الحاکم په یوه روایت کې راغلي، رسول الله ﷺ فرمایي: تر هغه وخته به قیامت رامنځته نه شي، چې پر خلکو به داسې وخت راشي چې په رڼا ورځ به په ډاګه او د لارې منځ کې له یوې ښځي سره زنا کیږي، خو هیڅوک به بد نه پرې وایي! هغه ښه سړی به یې دومره ووایي چې کاش له لارې لیږ څنګ ته شوي وی!
د لوېدیځ لغړ او له فحاشیو ډک تهذیب همدومره د بې حیایي اوج ته رسیدلی دی! چې د رسول الله ﷺ د دې خبرې مصداق هر ځای لیدل کیږي. چې ورسره دا حدیث له “دلائل النبوة” نه شمېرل کیږي، یعني دا حدیث د رسول الله ﷺ د نبوت له دلایلو څخه دی. او که د ځیرک موبایلونو او سوشل میډیا سلسله همداسې روانه وه پر موږ دې هم الله تعالی رحم وکړي.
