کینیا وایي چې د غټو مېږیانو د قاچاق یوه دسیسه یې شنډه کړې، کوم چې د نایابو ژویو په بازار کې د پلور لپاره انتقالېدل.
د کینیا امنیتي ځواکونو دوه تنه بلجمیان یو ویتنامی او یو د کینیا وګړی له “5400” نایابو مېږیانو سره یو ځای نیولي چې غوښتل یې د ازمایښتي ټیوبونو په مرسته یې بهر ته قاچاق کړي .
د دې مېږیانو قیمت “7700” امریکایي ډالر ښودل شوی دی.
څلور قاچاقبران هغه مهال ونیول شول چې هڅه یې کوله زرګونه ژوندی مېږي له کینیا بهر، د اروپا او آسیا نایابو ژویو بازارونو ته د پلور لپاره ولېږدوي. دوی اوس د وحشي ژویو د قاچاق په تور محکومېږي، چې دا پېښه د کینیا د وحشي ژویو ادارې (KWS) له خوا د یوه مهم پرمختګ په توګه ستایل شوې ده.
د KWS په وینا، چارواکو ژوندی ملکه مېږي نیولي، چې پکې د Messor Cephalotes ډول شامل دی، چې د غټ افریقایي راټولوونکي مېږي په نوم هم پېژندل کېږي. دا مېږي په ځانګړي ډول جوړو شوو ازمایښتي ټیوبونو او سیرنجو (پیچکاریو) کې پټ کړل شوي وو.
“پلټنو څرګنده کړه چې دا ټیوبونه داسې جوړ شوي وو چې کولی شي تر دوو میاشتو پورې مېږي ژوندي وساتي او د هوايي ډګر امنیتي څارنه له ځان څخه پټه کړي.”
دغه پلان یې “مخکې له مخکې پلان شوی او ښه تنظیم شوی” وباله.
که څه هم ځینې خلک مېږي یوازې د میلمنو مزاحمت ګڼي، خو د مېږیانو مینهوال یې د فورمیکاریم (Formicarium) په نوم شفافو بکسونو کې ساتي، چېرته چې دوی کولای شي د مېږیانو مستعمرې جوړېدل وویني.
