کابل ټکی کام (چهارشنبه، ۲۲ زمری، ۱۴۰۴ل)
د فلسطین د اسلامي جهاد غورځنګ پوځي څانګې “سرایة القدس” ويلي، چې د غزې په شمال کې يې د صهیونیستي ځواکونو پر پوځي کاروان بریدونه ترسره کړي دي.
د یادې ډلې په وینا د راکټ لانچرو په وسیله یې د اشغالګرو پوځي کاروان په نښه کړی دی، چې له امله یې ګڼ عسکر وژل شوي او ټپیان شوي دي.
سرچینې وايي، چې له برید وروسته د صهیونیستي پوځ امبولانس هلیکوپترونه سیمې ته رسېدلي او د ټپیانو او مړو د لېږد لړۍ یې پیل کړې ده.
دغه بریدونه د مقاومت د روانو ځپونکو عملیاتو لړۍ ګڼل کېږي، چې په وروستیو ورځو کې یې د اشغالګرو پر ضد پیل کړي دي.
