له جنګياليو سره جګړه او تسليم شوو سره سوله
« سرليکنه »
د ملي يوالي حکومت په ۲۰۱۵ کال کې د ناټو د ځواکونو په ملتيا او هم د خپلو افغان ځواکونو په پوره قوت او د ازبک ملېشې په جګړه مارقوماندان عبدالرشيد دوستم د هېواد په بېلا بېلو ولاياتو او په ځانګړې توګه فارياب او جوزجان کې د زرګونو پوځونو په موجوديت په لاس ته راوړونوکې پاتې راغلی ، چې جګړې ته د روانېدو پر مهال به يې سېنه ډبوله.
د دفاع وزارت د معلوماتو له مخې په ۱۳۹۴ کال کې يې هېڅ پر مختګ نه دی کړی ، په دې خپله نظامي چارواکې اعتراف کوي ، چې که پر مختګ يې نه دی کړی ؛ ځان يې ساتلی دی.
خو که دکندوز ښار او د هلمند ولايت ولسواليو د لاسه ورکولو نه هم ځان ساتلی وای کيدی شي په ۱۳۹۵ کې دغه ډول د نورو ښارونو او ولسواليو د لاسه په ورکولو ځان وساتي کيدای شي نظامي چارواکي د ملي يوالي د حکومت په موجوديت سره ځان ساتل ګڼي .
په ۱۳۹۴ کې دفاع وزارت د مخالفو وسلوالو په نامه په ولسي وګړو عملياتو کې ۷۰۷ تنه د ملي اردو کسان په جګړو کې وژل شوي او تر ۵۳۰۰۰ زرو زيات ځمکني او هوايي عملياتو ته چې پکې يې ولسي وګړي ووژل ، بيا هم وايي چې جګړې ته د وام ورکوو ، هغه کسان ، چې سوله نه کوي له هغوی سره جګړه کوي او که څوک سوله کوي د هغوی سره سوله .
دفاع وزارت د سولې هغه مخالفين ياد کړي ، چې هغه تسليم شوي دي.
دغه راز د ملي يوالي حکومت د هغو کسانو او ډلو سره د سولې په اړه د خبرو دوام ياد کړی ، چې هغه تسليم شوي او د تسليم شوو ډلو اشخاصو او مخالفينو سره سوله هېڅ وخت د سولې معنا نه ورکوي.
سوله د هغه چاسره کېږي ، چې هغه مقابل کې ولاړوي ، هغه جګړه کوي .
د هغو سره سوله کېږي ، چې جګړه په دې پای ته ورسېږي ، د ملي يوالي حکومت د هغه چاسره د سولې اعلان کوي ، چې يو کال يې د حکومت سره په دندو کې وشو.
اوس د سولې په اړه يواځې طالب وسله وال دي ، چې په نړيواله کچه منل شي او هم يې خپل قوت ټولې اروپايي او غربي نړۍ ته ښودلی دی.
د ملي يوالي حکومت که سوله کوي په هېواد کې همدا يو لوری دی ، چې په جګړه کې يې ماتې نه ده خوړلې.
ديوې خوا د ناټو هېوادونو په ملتيا د ملي يوالي حکومت او بل لارې طالبان دي ، چې د جګړې او سولې په اړه پرې خبرې کېږي.
دا مهال جګړې د افغاني بهرنيو پوځونو او په مقابل کې د طالب وسله والو تر منځ روانې دي.
ولسمشر اشرف غني وايي: هغه څوک ، چې سوله غواړي د هغوی سره سوله او هغه ، چې سوله نه غواړي د جګړې په دوام به يې ختم کړو، د اشرف غني د وينا يوه برخه خو پوره شوې ده چا ، چې سوله غوښته او ځان يې د حکومت مخالفو ګوندونوکې شمېره هغه ورغله حکومت ته تسليم شول ، اشرف غني د هغوی سره په تسليميدو سوله وکړه ؛ خو دا به ورته ډېره ګرانه شي ، چې د جګړې د لارې مخالف وسله وال طالبان ختم نشول، دا کال به هم د تېر په څېر تېرشي بيا به امريکا او اشرف غني ولس ته دنوروز د ورځې په وينا کې څه وايي؟
