تبصره: محمد خان
مسجد اقصی چې په فلسطين کې واقع دی، د مسلمانانو تاريخي او ډېر مهم مسجد دی، چې مسلمانانو يې همېشه په ساتلو کې له هيڅ ډول سرښندنې او قربانۍ نه درېغ نه دی کړی، خو ۶۰ کاله خوا او شا کېږي چې اسرائیلو پرې د وخت د زبرځواکې امريکا او ګردې کفري نړۍ په خوښه او هوکړه قبضه کړې ده،او په دغه موده کې اسرائيلو په دغه سپېڅلې مسجد له هيڅ ډول ظلم او جنايت څخه مخ نه دی ګرځولای، هر څه يې چې په ذهن کې ګرځېدلي، هماغه يې پرې عملي کړي هم دي. لکه په ۱۹۶۹ م کال يې ورته په بې رحمۍ اور واچاوه او د مسلمانانو تاريخي يادګار ( د سلطان صلاح الدين ايوبي) ممبر يې هم پکې وسوځاوه، کله مسلمانان لمانځه ته له ورتګه منع کوي او کله هم مسلمانان ورته له لارو او کوڅو راکشوي او په دغه مسجد کې يې شهيدانوي.
او دا دی په دې لنډه موده کې بيا دغو منحوسو څېرو په نوموړي مسجد بريد کړی او د سلګونو پوځيانو پواسطه يې کلابند کړی.
خو د دغو ۶۰ کلونو په دې طويله موده کې يو داسې مسلمان پيدا نه شو، چې له اسرائیلو په دغه مسجد د داسې ناروا اعمالو پوښتنه وکړي! او يايې په دفاع کې غږ پورته کړي او که راپيدا هم شي، لومړی يې خپل حکمرانان غږ په مرۍ کې دننه خپه کوي، لنډه دا چې مسجد اقصی ته تر اوسه د دفاع په خاطر د چا غږ نه دی رسېدلی.
اخر ولې؟
ايا مسلمانان خپل رب په هغه نصرت باور نه لري، چې د بدر په میدان کی ۳۱۳ بې وسلې کسان يې په ۱۰۰۰ او قوې وسلې سمبال لښکر داسې بريالي کړل چې د هيچا تمه هم نه وه؟
او که د الله ج په نصرت باور لري نو بيا ولې غلي ناست دي؟
د دغو پوښتنو ځوابونو دا کېدای شي، چې يا خو اسرائيل دومره قوي دي او د مسلمانانو په زړونو يې دومره رعب اچولی چې، د خپل مسجد د دفاع لپاره په خپل هېواد کې هم غږ نشي اوچتولای،
او يا غافل او د فيل په غوږ کې ويده دي، ځکه چې دومره ستر جنايت ستا احساسات راونه پاروي، نو بيا احساسات د کوم لپاره بايد وساتل شي؟
له دې به هم سخته ورځ وي؟
زما په نظر له دې نه داحساساتو د ښکاره کولو لپاره بله بهتره ورځ نه راځي.
مسلمانانو! راځئ! هغه احساسات چې په قومي، ژبني، نژادي او مذهبي تعصب کې ښکاروئ! د اسرائيلو په ضد يې ښکاره کړئ! چې الله ج درته اجر درکړي او په اخرت کې به سرلوړی ولاړ يې! الله ج به هم درباندې وياړي او وايي به چې، دا زما هغه غيرتي بنده دی، چې زما د کور (مسجد اقصی) لپاره له هر څه تېر وو او دا دی زه هم ورته نعم البدل ورکوم.
ځکه چې په شيطاني او د هندوانو په عملونو کله الله ج رضا کېږي.
نو مسلمانانو! راځئ! چې د الله ج له وېرې او خپلو ديني شعائرو ته د عزت او احترام په خاطر د ټولو کفارو د ظلمونو او وحشتونو په غبرګون کې خپل غږ پورته کړو! او يو ځل بيا خپله اسلامي نړۍ په خپلو سرو وينو ښېرازه کړو!
مونږ د یهودیانو لخوا د مسجد اقصی بی حرمتی په کلکو الفاظو غندو او د ټول دینی او انسانی اقدارو خلاف یی ګڼو.
