تبصره : مبصر
دثور داومې دتورې اوکرغیړنې ورځې غندنه چې کوو ورسره اتمه هم رایاده شي او هغه جنایات دانسان ذهن ته ودریږي کوم چې یوه برخه ېې دثور په اوومه او دوېمه برخه افغان وژنه ، زنداني کول ، په ډله ییزه توګه دافغان پتمن اولس دسراو مال تالاکول ، دخپل ورورافغان په لاس دبل افغان ورور وینې تویول دکلیو کورونو او جوماتونو ورانول، داهغه څه دي چې هم دثورپه اومه کمونستي کودتا او هم دثورپه اتمه دیوشمیرتش په نامه مجاهدینو لخوا وشول ، هغه جنایات چې کمونستانو نه وو کړي او پرې برشوي نه وو ، دې تش په نامه دجهاد ټیکدارانو وکړل ، دثورد اتمې وروسته یوشمیر ټوپکوالو هغه څه وکړل چې په کولو به ېې کمونستان کافر، ملحد ، بې دینه اومرتدان بلل کیدل.
هغه چاچې دروسانو او دهغوۍ دغلامانو په مقابل کې قرباني ورکړه، خپل ټټرونه ېې دکمونستانو او دهغوئ دبادارانو ګولیوته سپرکړل، دبدن غړي ېې دلاسه ورکړل، تل عمري معیوب شول، او یاېې داسلام په سپیڅلې لار (مقدس جهاد) کې دخپل اسلام، پاکې خاورې اوناموس څخه به دفاع ځانونه شهیدان کړل ، موږ پدې عقیده یو چې دهغوي دراسخې عقیدې له مخې به الله تعالی دهغوی شهادت قبول کړی وي.
دمقدس جهاد په پاکه لاره کې چې یوه ګړۍ هم چا قرباني ورکړې وي دهغې اجرثواب به ورته ورکول کیږي، خو دا چې دثور د(۷)مې سره مخالفت کوونکورهمغه دثورردغوایانو کارونه وکړل په ورځ دقیامت به دثور داومې دغوایانو په څیر داتمې دعاملینو مخونه هم توروي او ترڅه حده ثابته هم شوه، چاچې دثور داومې دجنایاتو په څیر جنایات کړي دهغوي مخونه تورشول خو په خپل شرم او توروالي سترګې پټوي.
دثورداتمې دخاوندانو چې هغه وخت افغان ساده زړي اولس نه پیژندل او دهغوي په جادوګرو قیافو ېې باورلاره دثورداومې دعاملینو څخه په زیاتو جنایاتو مرتکب شول، هغه دا چې دثورتراتمې پورې کمونستانو تراخري حده جنایات، فحشا، انسان وژنې، اوپه ملي ارځښتونو لیلام ګډ کړی و خو دثوراتم والو دثورله اومې او هم له اتمې وروسته دغیرتي اولس او شهیدانو سره په پوره سپین سترګۍ سره هغه جنایات وکړل چې په ویلو او لیکلو ېې ژبه اوقلم شرمیږي.
په حقیقت کې په افغانستان کې چې هرڅاڅکی وینه توییږي کمونستان پکې ونډه لري ځکه په امن ناکه هیوادکې دجنایاتو، نیونو، وژنواوتباهیو پیل دهمدې خرسانو او حیا پلورونکو دثور داومی له کودتا څخه شوی دی.
دا اوس چې له بده مرغه پدې بې کفایته حکومت کې دا دوطن او ناموس پلورنکي په لوړو پوستونو کار کوي او ځانونه اولس ته خدمتګاران معرفي کوي دوئ په حقیقت کې یو ځل نه ، په څو څو واره داخپل اولس وژلی، لوټلی، پلورلی، او آن داچې خپله حیا او ناموس ېې هم دڅو روبلو په بدل کې دڅوورځو په عیاشیو ورکړیدی .
که ریښتني او دافغان غیرتي اولس په رایه حکومت جوړشي او دهمدې اولس چې سرونه ېې دخپلې خاورې په ساتنه کې قربان کړیدي داټول به په ځای ددې چې په دولت کې پاتی شي دثور داتمې دجنایتګرو سره یوځای به په دار وځړول شي داد کمونستي نظریې راوړونکي او دثور داتمې چپاولګر باید په خپلو خپلو سزاګانو ورسول شي دوئ یواځې دڅو اشخاصو نه بلکې ددې ټول اولس چې د ۱۳۵۷کال دثور داومې راپدیخوا پرې دظلم او وحشت چپه میچنې وګرځول شوې دا دټول شهیدانو قاتلین دي .
ددوي په مقابل کې دجهاد تش په نامه ټیکدارانو یوه لویه تیروتنه وکړه چې دوئ ته ېې عفوه وکړه قاتلین دثورداومې دي او که داتمې ددوي عفوه کول ددوئ صلاحیت ندی داد هغه چا کار دی دچا چې پلار، ورور ، ځوې مور، خور او یادکورنۍ کوم غړی ېې وژل شوی وي .
دثورپه اومه خو دافغانستان په ملي ارځښتونو، ایډیالوژیکي طوفان راغی په افغانستان کې ېې یوڅه دبطيئ پرمختګ حکومت نسکورکړ، افغاني افتخارات ېې دلاسه ورکړل خو خپله له کریملنه راوړې نظریه ېې هم ونه شوه ساتلای کمونستان دخپل رژیم په وروستیوکې سره په اختلاف کې پریوتل خو دا تش په نامه جهادیان هم دومره سره مخالف وو چې که دنجیب حکومت داختلافاتو له امله نسکورشوی نه وای جهادیانو په لسګونو ګوندونو او اختلافاتو نشو نسکورولای.
دثورداتمې لومړي عبوري مشر صبغت الله مجددي ته په کابل کې په یوه ملمستیاکې ډاډ ورکړل شو ښه شوه چې پرکمونستي رژیم بریالي شوئ مجددي صاحب ورته ویل موږ دکامیابئ نه وو خپلو کې سره نه جوړیدو دډاکترنجیب هسې پښه وښویده .
دروسېې دوخت داولسمشر مرستیال الکزاندر رستکوېې ویلي وو مجاهدین په لومړیوکې کامیاب وو موږته ېې درانه تاوانونه واړول خو په وروستیوکې دومره بې اتفاقه او په خپلو کې سره ونښتل چې دکمونستانو نظام ېې نشو نسکورولای په اصل کې کمونستان خپله بې اتفاقه او نظام ېې په ګونډو شو.
له بده مرغه دثور داومې را پدیخوا خو دافغانانو په هرڅه چورتالان ګډشو خو دخواشینې ځاي دادی چې دثورداتمې ټیکدارانو هم دافغانانو سراومال چورکړ دکمونستانو دنظام پرمهال یواځې دخلقیانو او پرچمیانو دوه حکومتونه وو چې دیوحکومت په نامه چلیدل دتش په نامه جهادیانو په دوران کی یواځې په کابل کی دریالس حکومتونه وو او هرټانکدار او راکټدار به دخپلې نیول شوی سیمې واکمن وو .
دثورپه اتمه افغانستان له کمونستانو وژغورل شو خو ورسره په هغه څه هم لکه دملي شتمنیو، موزیمونو، کتابتونونو او داولس په هرڅه چور او تالان ګډشو دثور داتمې چپاولګرودخپل اولس سره هغه څه وکړل چې نن یعنې دثور په اتمه باید دملي ماتم ورځ اعلان شي په اخرکې وایو چې ریښتنومجاهدینو ته په درناوي ټول کمونستان او دا تش په نامه جهادیان دهېواد اتیاسلنه په روانو وژنو، نیونو او تباهیو کې مسئول دي.
دې تش په نامه جهادیانو دشهیدانو په ارمانونو خاورې واړولې دهغو دقاتلینوسره ېې داقتدارپه خاطرسیاسي او کورنۍ خپلوۍ وکړې دا اوس چې په یوه او بل نامه شرمیږي همغوکمونستانو ته سرونه ټیټوي او ورسره ګډحکومت مني کوم چې به دوی دافغان اولس ازلي دښنانو ګڼل هغه نن ورځ ددوې دسیاسي قدرت او دڅوکیو دویش یاران او دوستان شول .
