ليكوال: ډاكتر عبدالهادي « حماس »
ګلالۍ دپلارګنۍ په يوه خونه كې دخپلې مړې لورپه خواكې ناسته وه اوددې انتظاريې باسه چې ناوې راوړي اوبيادوى خپل مړى خپل كور ته يوسي،دهغې په دماغوډېربوج ؤخولوى خداى ته يې دصبراوزغم دوعاګانې كولې،ځكه له يوې خوايې ماشومه موسكاله لاسه وركړې وه اوله بلې خوادورور وروستۍ خبرې ډيره ځوروله،ګلالۍ همدغه فكرونه په دماغوكې اړول رااړول چې لږشيبه وروسته دموټرو شورماشورشو،ماشومانوچغې كړي،ناوې يې راوړه،ګلالۍ اودكلي ښځې ورپورته شوې،ناوې يې راښكته كړه اوپه خپله كوټه كې يې كينوله،دكلي ښځواونجونويوې اوبلې ته مخونه اړول اويو ې بلې ته به ېې ويل سپيرټنډې يې راواده كړه خداى دې يې قدم هيڅ نه مباركوي دومره خرابه ټنډه لاتراوسه موږدچانه وه لېدلې،داخبرې دومره تېزې شوې ،چې دناوې ترغوږونوهم رسېدې! په هغې هم خولې راماتې وې، ځان ورته خجالت ښكارېده،ځكه دټولنې په رواياتوپوهېده چې په داسې پېښوكې په ناويوپسې داسې خبرې كيږي،دساجدناسكه مور(ميرې)هم دې ډول خبروته ډېره لمن وهله!دكلي يوه فسادي ښځه راغله،ګلالۍ ته يې دټولوښځوپه مخ كې وويل : ورينداردې مبارك شه خوډېره سپېره ښځه ده يوه خويې وڅټله،نوروته دې خداى خير كړي، ګلالۍ ورته وويل : نه خورې بياداسې ونه وايې زمالورتقدير واخيسته،پدې كې زمادناوې هيڅ ملامتي نشته،داټولې دازل پېښې دي،ا نسا ن پكې څه لاس لرلى شي !
دفېروزپه كوركې پوليسوڅېړنې كولې،امان ئې راوغوښت اوپوښتنه يې ترې وكړه : بچيه ستاپلارخوبديدارنه ؤ؟ هغه ځواب وركړ:نه بيايې پوښتنه ترې وكړه : امانه بچيه په دې نږدې وخت كې خوبه دې پلارته چادمر ګ ګواښ نه وي كړى ؟ هغه ځواب وركړ:ماما مې يوه ور ځ زما موربهر وباسله، اوورته وئې ويل چې زه ستامېړه اوخپل پلارنه پرېږدم دواړه وژنم له تا سره يې ظلم كړى، مورمې ډېرې زارى ورته وكړې ،چې داكارونه كړې خوهغه په دغه مهال كې چوپ پاتې شو،پرون دواده په ورځ مې مامادرى ساعته ورك ؤ،دراتلوپرمهال يې داسې پلمه كوله چې له ورايه دروغ ښكاريده ،ويل يې چې دويښتانواصلاح كيدودپاره تللې وم ،كيداي شي زمادپلاروژنې دپاره هم دلته راغلي وي ،زماپلاردلته په كوركې يوازې ؤ .
پوليس داما ن په سرلاس راكش كړاوډاډيې وركړ : بچيه ته مه خپه كېږه موږداهرڅه وليكل،زه ژمنه درسره كوم چې تاسوته به انصاف دركول كېږي! په دې وخت كې دپوليسومشرقومندان هم راورسيدپوليسو ورته خپل احترامات په نظامي حركاتووړاندې كړل اوورپسې يې لنډ راپور وركړ،قومندا ن پريوكاغذباندې ليكنه وكړه،لاسليك ئې كړه يوه پوليس ته ئې كاغذوركړاووئې ويل : دادساجددنيولوامردى سمدلاسه ئې كور محاصره كړئ اونظارتخانې ته يې واچو ئ .
