مرکیال : شاهکار
کله چې داعش ډله په عراق کې پیداشوه ټول مسلمانان بلخصوص عراقي سني مسلمانان ورته ډېر خوشحاله وو،ځکه چې واکمن شعیه نظام له سني مسلمانانوسره تبعیضي چلند کولو، سني مسلمانان به يې ډیر کړول او له رنګ رنګ تکالیفو سره يي مخ کړي و، چې یو مسیحا او ژغورونکي ته سترګې په لار ه وو.
داعش ډلې د القاعدې له اسلامي تنظیم سره خپل پریکون اعلان کړ او د القاعدې دمشر ایمن الظواهري په خبرو يې عمل ونه کړ، بلکې دمجاهدینوپه قتل يې لاس پوري کړ، ټول مسلمانان یې د ابوبکربغدادي بیعت ته راوبلل او هر هغه څوک چې د ابوبکر بغدادي سره بیعت نه کوي کافر او مرتد یې وبللو، نو هماغه وو، چې دالقاعدې له سپيڅلې جهادي ډلې سره یې هم د جنګ اعلان وکړ.
په سوریه کې ۲۵۰۰ مسلمانان تنها په دې ووژل چې ولي له ابوبکر بغدادي سره بیعت نکوۍ،په لیبیاکې دمجاهدینوپه ضد اقدامات ترسره کړل او یو زیات شمیر مجاهدین یې په ډېر وحشت سره شهیدان کړل، په عراق کې یې هم د مجاهدینو په وژلو کمی ونه کړ، د مجاهدینو مشران یې شهیدان کړل اود مجاهدینو په لاس هغه ټولې فتحه شوی سیمې بیرته د دولت شیعه ملیشو لاسته ولویدې، چې په ډېرو لویو قربانیو ګټل شوې وې.
د القاعدې ډلې مشر ایمن الظواهري د علماو کرامو په فتوا سره داعشي ډله تکفیریان او خوارج وبلل او ددوی پر ضد جهاد یې واجب وبللو.
داعش په عربي ملکونو کې په مسلمان وژنه اکتفا ونه کړه او ورسره همهاله یې په افغانستان کې هم د طالبانو پر خلاف اور بل کړ، افغانستان یې د خراسان په نامه یو ولایت اعلان کړ اوددې ولایت لپاره يې خپل والي حافظ سعیدخان وټاکلو.
نتیجه دا شوه، چې دلته یې هم په مجاهد وژنه او مسلمان وژنه پيل وکړ، طالبان یې مرتد او غلامان وبلل، د عامو مسلمانانو شتمني یې خپل غنیمت وبللو او له غرنیو سیمو څخه یې د مظلومو شپونکیانو رمې هم له ځانه سره اورکزیو ته بوتللې چې ګویا دا د اسلامي خلافت غنیمت دی، د خلکو کورونه یې لوټ کړل،د طالب او مجاهد کور ته به يې اور ورته کولو، جبري عشر او کروندې يې په ولس وتپلې او یو لوی وحشت یې پيل کړ.
په ورته وخت کې د طالبانو مشر ملا اخترمحمد منصور لخوا یولیک ابوبکر بغدادي ته ولیږل شو، په هغه کې یې ابوبکر بغدادي مخاطب کړی، چې په افغانستان کې ډیرو ډلو ته اړتیا نشته، ځکه افغانستان د ډلو د ډیروالي خوند څکلی، چې کومه نتیجه یې نه ده ورکړې، تاسو زموږ په مقابل کې خلک مه راپورته کوئ، که څوک غواړي چې جهاد وکړي د اسلامي امارت دمجاهدینو ترڅنګ دې ودریږي او خپل جهاد ته دې ادامه ورکړي. همدارنګه شهید منصور صیب ورته لیکلي وو، چې ظلم مه کوۍ افغانانو ډېر ظلمونه لیدلي دي، خو دکفر غلامي یې نه ده منلې، افغانان به هیڅکله په ظلم سره ایل نه کړۍ او نه دا ډول ظلمونه د اسلامي خلافت نماینده ګي کولی شي.
خود بغدادي او ملګرو لخوا یې غبرګون داسې و، چې هیڅ سالم عقل ته دمنلو وړ نه و او په ډیره سپین سترګۍ يې د اسلامي امارت ټول مجاهدین په پردیو پسې وتړل او د اسلامي امارت په مقابل کې هم جنګ اعلان کړ او هغه سپیڅلې پاکه ډله چې په یو ویشتمه پيړۍ کې يې یو ځل بیا د جهاد او مجاهدې نوم راتازه کړ وګواښله((که بیعت ونه کړۍ بیا به په خپله ځانته په خراسان کې قبرونه جوړ کړۍ)) .
په ورته وخت کې چې دوی د خراسان لپاره خپل نماینده وټاکلو ځینو هغو کسانو په بیړه بیعت ورسره وکړ، چې یا اختطاف ګر وو او یا د نورو غرضونو لپاره جهاد ته راوتلي وو او طالبانو له خپل پاک صف څخه شړلي وو.
دوی د اسلام له یوې داسې ښکلې کلمې خپل شعار جوړ کړ، چې د نړۍ د مسلمانانو ارمان و، ډېر مسلمانان یې پر شعار وغولیدل، ځینې نیک او مخلص مجاهدین هم ورغلل، خو وروسته په ښکاره توګه معلومه شوه، چې داعش په اصل کې د مجاهدینو د صفونو د تیت او پرک کولو په خاطر له لویو طاقتونو سرچینه اخلي نو مخلصو مجاهدینو درک کړه، چې په اوس وخت کې د مسلمانانو د ارمانونو او د بقا یواځینۍ هیله او یواځینی صف اسلامي امارت دی، نو یې بیرته خپل اصل ته رجوع وکړه، چې یو ددغو ورونو څخه قومندان زمین جان هم و. دکابل ټکی کام همکار نوموړی سره مرکه کړی چې تاسو درانه لوستونکي مرکې ته رابولو.
(اداره )
د مرکې متن
کابل ټکی کام : د هر څه د مخه خپل ځان را وپيژنۍ ؟
ځواب : زه زمين جان مشهور په ابوبکر د ننګرهار ولايت د سپين غر ولسوالۍ د مامند تنګي اوسیدونکی يم .
کابل ټکی کام : څومره وخت کيږي، چې له داعش ډلې سره مو بيعت کړی ؟ او په کوم ځاى کې مو د چا سره بيعت وکړ؟
ځواب : کله چې داعشي ډلې په ننګرهار کې ظهور وکړو، مونږ څو ملګرو په هسکه مينه ولسوالۍ کې د عبدالخالق، چې مشهور په عمر دی او په هغه وخت کې یې د داعش ډلې لخوا د ننګرهار والي په حيثيت دنده ترسره کوله، د نوموړي په لاس مو د دولة الاسلام ( داعش ) د دستوري خلافت په نوم باندې يو کال شپږ مياشتې مخکې بيعت وکړو .
کابل ټکی کام: که په لنډه توګه راته وواياست، چې داعش ډله د چا لخوا تمويليږي او څه اهداف لري، که له دغو رازونو څخه پرده پورته کړي ممنون به مو يو ؟
ځواب : په عمومي توګه څه طاغوتي او کفري هيوادونه او بالخصوص د افغانستان استخباراتي کړۍ ورسره پوره همکاري لري، مالي او د اسلحو امکانات ورته برابروي، حتى د زخميانو د علاج لپاره د جلال اباد ښار ته وړل کيږي او هلته يې تداوي کيږي، د افغانستان د دولت استخبارات مستقيماً د داعش ډلې مشر حافظ سعيد خان سره په پوره ډول په هر اړخيزه توګه پوره همکاري کوي، چې زه دلائل او شواهد لرم، خو د رسنيو سره جزيات د اجتماعي مصلحت په خاطر نشم شريکولې او د داعش د اهدافو په اړه به دومره ووايم، چې د داعش د پروسې په توسط سره غربي طاغوتي هيوادونه غواړي، چې مسلمانان په تفرقو او په څو ډلو سره وويشي او اسلامي جهادي تنظيمونه په ټوله نړۍ کې وځپي باالخصوص په افغانستان کې د طالبانو اسلامي امارت ځپل او کمزوري کول یی ستر هدف دی.
کابل ټکی کام: تاسې د داعش په ډله کی څه دنده تر سره کوله؟
ځواب: زه دسپین غر ولسوالی د کرکڼی ساحی د خط مسول ووم.
کابل ټکی کام: که د داسې بوږنونکې واقعې په اړه راته ووایاست،چې تاسې یې دردولي یاست ؟
ځواب : که څه هم د داعش ډلې بوږنونکي واقعې ډیرې زیاتې دي یو د هغوی څخه دا چې زه په هغه وخت کې په هسکه مینه کی وم ،کله چې داعش ډلې دسپین غر ولسوالۍ مامندساحه کی په دویم ځل لپاره داسی حمله وکړه، چی هیڅ اسلامي او انساني ترحم یی ونه کړو، تقریبا ۱۰۰ پورې دسامانونه ډک کورنه یی وسوځول، چی یو له هغو کورونو څخه د شهید هستي کور هم وو، کوم چی دامریکایانو لخوا په ډرون برید کې شهید شوی و، د نوموړي شهید په کور کې اسلامي کتابونه، دقران کریم نسخو پورې هر څه وسوځول، شهید هستي د اسلام او مجاهدینو لپاره نه ستړي کیدونکي خدمتونه کړي وو او دا چې د شینوارو دا دره د مجاهدینو د تشکیلونو لار وه نو داسې مجاهد به نه وي چې په دې لاره په تشکیل کې لاړ وي او د شهید هستي په کور کې یې شپه نه وي کړي، یا یې په کې ډودۍ نه وي خوړلي او یا به شهید هستي ددوی لار بلد نه وي پاتې شوی.
په همدې تنګي کې يې د روژې په مازیګر یې عام ولس، ماشومان، ښځی، سپین ګیري او ځوانان ټول له خپلو کورنو څخه په زور وشړل او هجرت ته یې اړ کړل.
کابل ټکی کام: په اخر کې راته دا راته وواياست،هغه څه لامل و، چې تاسې له داعشي ډلې بیزاره شوۍ، ددې طاغوتي صف څخه راجلا شوۍ او په مقابل کې د افغانستان اسلامي امارت صف سره يو ځاى شوۍ ؟
ځواب : په ډير تأسف سره د داعش په ظاهري غوړو زيړو القابو خطا شوم او په دغه وحشي او له ظلمه ډک صف ته داخل شوم، ددوی د ظلمونو او وحشتونو داسې شاهد يم، چې هغه سختې او د وحشت ډکې صحنی نشم عکاسي کولی، په ظاهري بڼه د شريعت او حدودو قائميدل صرف په عام مظلوم ولس باندې د بيلګې په توګه : د موبائل په اړيکو وژل او په وړو وړو ګناهونو لکه په نسوارو او سګريټ څکلو باندې وهل، ډبول، رټل معمولي سزا وه، خو په خپل مينځ کې د چرسو او افيون معتاد وو ،هيڅ حدونه يې نه قایمول، د عامو مسلمانانو مالونه، پټي غنيمت او کورونه يې سوزول يې هغه ظلمونه دي چې د هيرولو نه دي .
کابل ټکی کام: په اخر کې ګرانو لوستونکو ته څه پیغام لرې؟
ځواب: یو پیغام هغو وګړو ته لرم کوم، چی زما په څیر د دولة الاسلام (داعش) د ستوري او شعاري خلافت په ظاهري نوم تیروتلي دي، دزړه له درد څخه ورته وایم، چی پخپل ځان رحم وکړیۍ ددغی وحشي پروسې څخه راجلا شئ او د اسلامي امارت سپیڅلې ډلې سره یوځای شئ او رب لایزال ته توبه تائب شئ یقینا الله رب العزت توبه قبولونکی ذات دی.
بل پیغام عام ولس ته دا لرم، چی د داعش ظالمې پروسې ښکار نه شي د دغه فتنې دخلاصون لپاره په پوره مقاومت د امارت اسلامې له مجاهدینوسره هر اړخیزه همکاري ترسره کړئ.
