کابل غږ
د کابل غږ قدرمنو لوستوالو په نورو ورځوکې مو د ژوند په نوروبرخو ليکل اړين بلل خو د ر وژې په مياشت کې داڅرګنده وو چې بختوره روژه د کومو بختورواشخاصو په نصيب کيږي او د لوې رب العزت په دربارکې ېې مغفرت په نصيب کيږي.
موږ په خپل کلي او خواو شا کې ډير بې وزلي لرو چې د روژې په مياشت کې هغه داړتيا وړ څه نه لري کوم چې نور روژتيان لري او ښه په خوښۍ سره هرماښام روژه ماتوي.
ديوه انسان اړتياپوره کول هروخت په بل انسان او په ځآنګړې توګه پرګاواندي لازمي ده خو په روژه کې بايد موږ د خپل ګاوانډي په اړه د خپل وس او توان مطابق دهغه دروژه ماتي فکر هم له ځانه سره ولرو چې هغه په کومه اندازه د روژه ماتي وس او توان لري که لږ څه وس ېې وي بياهم دهغه سره مرسته پکارده ،په روژه ماتي کې دهغه دزړه دعا د الله په دربارکې قبوله دعا ده .
زموږ ټولنه ډيره بې وسه ټولنه ده په نورو هېوادونو کې دشتمنو لخوا د روژې په مبارکه مياشت کې هرډول خواړه چې څرنګه نور روژتيان کوي دهغوبې وزلو لپاره چې څه نه لري برابروي، د بې وزلو لپاره ټوله مياشت دروژه ماتي خوراکي توکي يا کورونوته ورليږي او ياېې په مسجدونوکې بې وزلوته روژه ماتي پروخت ورکوي خو په افسوس سره زموږ شتمن دروژې په مبارکه مياشت کې يواځې دخپلې کورنۍ لپاره خوراکي توکي برابروي دبې وزلو لپاره هيڅ په نظرکې نه نيول کيږي.
دروژې مبارکه مياشت هروخت بختوره وي يو پرهغه چابختوره ده چې خپله پدې ګرمۍ کې روژه ونيسي او ورسره دالله تعالى عبادات وکړي دويم دا مبارکه مياشت دهغه چالپاره ډيره بختوره ده چې پدې مياشت کې ېې دنور و بې وزلو سره دروژه ماتي مرسته کړي وي بختورهغه کسان دي چې دنورو بې وزلو د روژه ماتې مرسته ېې په نصيب شوي وي .
د ښځو چارو وزیرې دلبر نظري په کابل کې خبري غونډې ته وویل، له ښځو سره د تاوتریخوالي ثبت شوې پیښې ښيي، چې زیاتي پیښې د هیواد په نا امنه سیمو کې رامنځته شوي.
ددې پر وینا هرات، غور، بغلان، تخار او دایکنډي هغه ولایتونه دي، چې د تاوتریخوالي ډیرې پیښې يې درلودې.
نوموړې زیاته کړه، چې په دې وروستیو کې په مرکز او ولایتونو کې د ښځو پر وړاندې د زور زیاتیو ۶۰۰ پیښې د ښځو چارو له وزارت سره ثبت شوې دي.
د میرمن نظري پر وینا، سربېره پردې، له ښځو سره د تاوتریخوالي نورې پیښې هم شته، چې تراوسه نه دي ثبت شوي.
نوموړې زیاته کړه، چې له ښځو سره د تاوتریخوالو پیښې داسې مهال زیاتوالی ښیي، چې له ښځو سره د زور زیاتیو د مخنیوي قانون او د ښځو ځورونې د منعې مقرره هم توشیح شوې ده.
په دې اړه د ښځو چارو وزارت د پالیسي او فني چارو رېیسې سپوږمۍ وردګ د دغه وزارت چارو په اړه د خلکو لیدلوری منفي بولي، خو زیاتوي چې د ښځو چارو وزارت د ښځو وضعیت ښه والي له پاره زیات پروګرامونه تطبیق کړي، چې اوس ښځو ته د عدالت غوښتنې او عامه پوهاوي پر پروګرام کار کوي.
د ښځو چارو وزارت چارواکي وايي، چې تر راتلونکو دوو ورځو پورې به له ښځو سره د تاوتریخوالي مخنیوي په اړه په هېواد کې د عامه پوهاوي پروګرام پيل کړي، چې له دې لارې به په هېواد کې له ښځو سره د تاوتریخوالي پیښو شمیر را کم شي.
