زړګیه شم درځار\خالق یار احمدزی
کابل ټکی کام ۰۶چنګاښ/۱۳۹۵، شعر: خالق یار احمدزی
راځمه بیا تر تا پورې زړګیه شم درځار
د مینې افسانې دي لیونیه شم درځار
د وخت په ښکلاګانو امیلونه نه جوړیږي
ګلاب ګلاب جانانه اغزکیه شم درځار
راځه د هندوکش او د سپین غر فاتح جانانه
د سپین دستار خاونده میړنیه شم درځار
نن بیا د ښکېلاکګرو کاروانونه درته راغلل
اقدام کوه افغانه شازلمیه شم درځار
په زېړ مازدیګري کې خالقیاره یو څوک وایي
دا مخ دې لږ راستون کړه ګلالیه شم درځار
