تبصره
کله هم چې په یوه هېوادکې د ولس او دولت ترمنخ بې باوري پیداشي او دنظرونواختلاف آخري حد ته ورسیږي دهغه هېواد ولس او دولت دواړه یودبل سره په جګړه اخته شي خو په دې نه پوهیږي چې دا جګړه مو دمقابل لوري سره ده او که دځان سره په جګړه اخته یو.
په افغانستان کې همدغه حالت روان دی دکلونو کلونو یرغلګرو او هم دقدرت دلیونیانو ترمنځ چې دارګ پرسرېې سره په خپلوکې وخوړل اوله ځانه ناخبره ولس ېې هم په خپلو وینوکې ولمباوه د۱۵کالو راپه دېخواپه هېوادکې جګړه روانه ده .
هره ورځ ددفاع وزارت راپورونه ورکوی چې په دومره شمیر مخالف وسله وال مو ووژل دومره مو ژوبل کړل حال داچې داېې خپل ځان سره جګړه پیل کړي ده ، دایې دخپل ولس په وژلوپیل کړی دی ، داېې هغه ولس وژلی چې دکلونو کډوالۍ وروسته خپل هېواد ته په دې خاطرچې نور دپردیوهیوادونو دپولیسو ستغې سپورې نه شي برداشت کولای په خپل هېوادکې به دحیااو عزت ژوندپیل کړو .
داپه خپل هېوادکې دباعزته ژوند په خاطر راستانه شوي کډوال دطالب په نامه او یادطالب سره دمرستو په نامه ونیول شي اویاېې کورونه دطالبانو دمرکز په نامه بمبارشي .
تیره اونۍ په کندزکې د دولت امنتي پوځونه چې طالبانو دسپرلیو له سرویسونو کښته کړي او ورسره بندیان و امریکايي الوتکو دطالبانو دمرکزپه نامه پرې بمباري وکړه او وې وژل.
دننګرهار دکوټ په ولسوالۍ کې دهغوولسي وګړو کورونه بمبارشول چې تراوسه پورې پرې دجوړولو پورونه پاتې دي.
پرکوټ ولسوالۍ د داعش په بریدونوکې دولتي ځواکونو ترداعشیانو زیات تاوان ولسي وګړوته اړولی خوبیاهم دکوټ دولسوالۍ اوسیدونکي په دې خوښ دي که کورونه ېې بمبارهم شي دا تاوانونه به ومني خو چې د داعش له شره خلاص شي.
دا نن چې دننګرهار دحصارک په ولسوالۍ کې جګړه روانه ده دولت زیات تاوانونه خپل ولس ته واړول مظلوم ولس دجګړې په میدان کې راګیر دی دهرې خوا چې مرمۍ راځي دولس په ټټر لګیږي کورېې ورانیږي ، فصل ېې تباکیږي ، له کورونوایستل کیږي . او دژوند له ټولو شتو خلاصیږي دادولت دولس دبچیانو امنیتي پوځونو پرسر دهېواد دساتنې سینه ډبوي خو دولت په مقابل کې دخپل ولس وینې تویه وي دولت له همدې ولسه جوړدی خودولت په ځای ددې چې دکارزمینه ورته برابره کړي په ډول ډول پلموې وژني نو ځکه وایو چې دولت له ځانه سره په جګړه اخته دی.
