سرلیکنه
دوې ورځي وړاندې چې په کابل کې دمیدان وردګو دروزنیزمرکز په نوو فارغ شوو پولیسو دپغمان په ولسوالۍ کې دوه پرلپسې سرتیري بریدونه وشول د دفاع وزارت ېې دولس په وړاندی دامنیت ساتلو په اړه بې ځوابه کړ.
دکورنیوچارو دوزارت دمعلوماتو له مخې په دې دوه غبرګوبریدونوکې د۳۰تنو د وژلوترڅنګ ۵۸ تنه ژوبل شوي هم دي.
دکابل دپیښې په غبرګون کې اجرائیه رئیس ډاکټرعبدالله په یوه خبري غونډه کې وویل : حکومت پرونۍ پیښه په جدي توګه څیړی او دکره معلوماتو دترلاسه کولو وروسته جدي اقدامات کوی .
ډاکټر عبدالله په خپله ویناکې داهم وویل چې دپیښې د عاملینو د نیولوترڅنګ به له هغو امنیتي مسئولینوسره چې په دې پیښه کې ېې خپله دنده په لازمه توګه سرته نه ده رسولې او غفلت ېې کړی دی قانوني چلند به ورسره وشي .
ډاکټر عبدالله لومړی دخپلو امنیتي پوځونو لخوا دخپل ملي حریم دساتني ستاینه وکړه چې زموږ امنیتي پوځونه دهرډول ناوړه پیښې د له منځه وړلو توان لري خود ډاکټر عبدالله له وینا سره پر امنیتي ځواکونو دادی نن په جلال باد کې بله چاودنه هم وشوه.
لومړی به ددفاع ، کورنیوچارو وزارتونو ، ملي امنیت او خپله ډکټر عبدالله ویل دهیواد امنیتي ځواکونه دمخالفو وسله والو دمقابلې توان لري او نورېې د مخالفو وسله والو زور اوبه کړی دی.
ډاکټر عبدالله دا وینا په داسې حال کې وکړه چې طالب وسله والو دننګرهارپه ولایت کې دحصارک ولسوالۍ د محاصرې کړۍ راتنګه کړی ده او دمیدان وردګودجلریز د ولسوالۍ دنیولو راپورونه ورکول کیږي ځنې رسنۍ وايي دمیدان وردګو دجلریز ولسوالي طالبانو نیولې نه ده خو که دجلریز ولسوالۍ ته تازه دمې قواوې او نظامي مرستې ور ونه رسیږي امکان لری طالبان دجلریز دولسوالۍ کنترول ترلاسه کړي.
دډاکټر عبدالله او دمیدان وردګو دوالي له ویناو چې تیره ورځ ېې کړي دي دا څرګندیږي چې امنیتي قواو نورد طالبانوپه وړاندې دمقاومت توان له لاسه ورکړی دی اوقانون په خپلو امنیتي ځواکونو عملي کوي.
دامریکا لخوا په افغانستان کې دناټو د هواېې ځواک دجګړې په بیا ماموریت پیل کولو او دهند سره په اقتصادي تړونونو دموجوده ادارې چارواکو ولس ته له حده زیات ډاډ ورکړ.
دمیدان وردګ والي رسنیوته ویلي دجلریز په ولسوالۍ کې د طالبانوسره جګړه اوس هم دوام لري چې طالبانوته دمرستې لپاره دزابل او نورو ولایاتو څخه وسله وال راغلي او په جګړه کې ېې برخه اخستې ده ددې نه دا څرګنده شوه چې طالبان په خپلومنځو کې همغږي لری خود دولت ځواکونه دنه همغږۍ له امله سیمې دلاسه ورکوي ځکه خو ډاکټر عبدالله دطالبانو سرد مقابلې د توان دلاسه په ورکولو خپل امنیتي ځواکونه ګواښي چې دناغیړۍ په صورت کې به ورسره قانوني چلند وشي.
