ليکوال: انجينر صلاح الدين عمري
ختيځ پېژندونکي هغه غربي پوهان (دانشمندان ) دي چې خپلې صليبي جګړې کينې اوتعصب دې ته اړکړي دي ترڅودختيځ (اسلامي نړۍ)دعلومو،عاداتواوفرهنګ په برخه کې څېړنه اوتحقيق ترسره کړي ځکه دوى په دې عقيده دي چې ترڅوددښمن (مسلمانانو) علوم ،فرهنگ اوعاداتوپه برخه کې ژوره څېړنه ترسره نه شي ترهغوپورې مونږنه شوکولاى هغه له مينځه يوسويوځکه دوى غواړي ترڅوداسلام مبارک دين ته صدمه ورسو ي اوهغه له مينځه يوسي ،اوداسلام په هکله حقايق تحريف کړي اوپرځاى يې خپل لاس وهل شوي منسوخ دينونه په نړۍ کې حاکم کړي نودهمدې موخې دلاس ته راوړلولپاره دوى لمړى داسلام دمبارک دين په هکله څېړنه کوي (اسلامي علوم ذده کوي) اوبياوروسته داسلام دمبارک دين اودهغه دمصادروپه هکله مختلفې ترديدونکې ليکنې کوي ،کتابونه ليکي،له خپرنيزووسايلوڅخه په ګټه اخيستنې سره تبليغات کوي .
ختيځ پېژندونکي چې له مختلفوډولواوطبقوڅخه جوړشوي دي همدارنګه ددوى موخې هم يودبل په پرتله مختلفې دي دبېلګې په توګه نصارى ختيځ پېژندونکي غواړي چې دنصرانيت دين ته اوهمدارنګه ددغه دين دخپرونکوموخوته خدمت وکړي ،دويمه ډله يهودي ختيځ پېژندونکي ديهوديت دموخواواهدافودلاسته راوړلوپه منظورفعاليت کوي ،همدارنګه دملحدواوکمونستوختيځ پېژندونکوموخې دادي چې الحادخپوراوله خداى جل جلاله سره دخلکوهرډول اړيکې پرې کړي .
ديادولووړده چې د دغوټولوډلوختيځ پېژندونکوترټولولويه موخه که هغه مسيحي ،يهودي يا ملحد ختيځ پېژندوکي دي يواځې اويواځې داسلام دمبارک دين له مينځه وړل اوپه اسلامي عقيده باندې د مسلمانانود منګولود لګولوڅخه مخنيوى دي
هغه پوهنتونونه چې ختيځ پېژندونکوجوړکړي دي اوياهغه څانګې چې د همدې موخې لپاره په غربي پوهنتونونوکې جوړې شوي دي د دغوپوهنتونونوهغه شاګردان چې مسلمانان دي اوله ختيځ پېژندونکوڅخه يې ذده کړه کړې ده اوله دې پوهنتونونوڅخه فارغ شوي دي د ختيځ پېژندنې د افکارواوبنسټونوپه خپرولوکې داسې مهم رول لوبولى شي چې د هغوى ختيځ پېژندونکي استاذان هم ترې عاجزدي ځکه دوى په اسلامي جامه کې د اسلام د بچيوپه توګه د اسلام اود اسلامي بنسټونوپه وړاندې فعاليتونه ترسره کوي اوديني سپېڅلوبنسټونوته ضربه رسوي اود خداى جل جلاله ،محمد ص) ،قران اوحديث ،اسلامي فقه اود ستروسترواسلامي شخصيتونوپه هکله شک اوتردېدونکې خبرې کوي
په اوسني حالت کي په افغانستان کي په داسي پروژو باندي کار روان دي چي محصلين خارج ته وليګل شې او هلته تحصيلات ورکړل شې چي په فکري لحاظ يې بدل کړې يو تعداد ځوانان چي د هم دغي پروژي پيداور دې اوس په افغانستان کي د مدني فعالانو په نامه ياديګې دا خلک په ټولينزو رسنيو کي هم ډير فعال دي چي دنده يې صرف اسلامي شعارونو ته سپکاوي کول دي او په داسي برنامو کار کول دي چي ځوان نسل مستشرق کړي
