ډاکټرفصیح الله عمرزی
بادرنګ دبدن دسالمتیا او په بدن کې دپوتاشیم او کلسیوم دپوره کولو لپاره خورا مهم خوراک دی چې د دوبي د ګرمۍ په موسم کې په بدن کې داوبوپه پوره کولوکې مهم رول لري.
بادرنګ دګردې دناروغۍ په له منځه وړلو کې ملګرتیا کوي باید دګرمۍ په موسم کې چې دا مهال سخته ګرمي ده باید په منظم ډول سره وخوړل شي ، په منظم او مسلسل خوراک سره په بدن کې دیوریک اسید مخه هم نیولای شي.
دبادرنګ په مسلسل خوراک سره ادرار زیاتیږي روغتیاپوهان وايی چې بادرنګ دزیاتواوبوپه لرلو سره دبدن په تازه والي او ښکلاکې هم مرسته کوي.
روغتیاپوهان په دې نظردی چې که بادرنګ دپوست سره وخوړل شي دانسان بدن ته زیاته ګټه رسوي.
الماني روغتیاپوهانو چې دنورو خوراکي توکوترڅنګ ېې په بادرنګ هم څیړنې کړي وایی چې دبادرنګ مسلسل خوراک په ګردوکې دکاڼوپه له منځه وړلوکې د درمل په څیر مرسته کولای شي.
بادرنګ دځینونورو سبزیجاتوپه څیر ګوګړلري چې په بادرنګ کې شته ګوګړپه بدن کې دیوریک اسید په له منځه وړلو کې ښه رول لري، بادرنګ چې زیاتې اوبه لری سل ګرامه بادرنګ له ځانه سره لس ګرامه ګالري هم لري.
بادرنګ نه یواځې داچې کلسیوم او پوټاشیم لري بلکه فوسفور، وسپنه،ویټامین ای، ویټامین بي،او سي هم لري دهمدې توکوپه لرلو سره بادرنګ باید سپین نه کړل شي چې بادرنګ سپین او پوست ېې له منځه ولاړشي نو په پوست کې ویټامینونه ېې هم له لاسه ورکول کیږي.
دروغتیاپوهانو په نظر په نړۍ کې دګرمۍ دکچې لوړتیا، داقلیم بدلون اوزیات ګرم خوراکونه د ګردو دناروغیو لا مل ګرځی خو بادرنګ چې د دوبي په ګرمۍ کې په شړومبوکې واچول شي او که دډودۍ سره دخوراکه علاوه په ځانګړې توګه وخوړل شي بدن ته زیاته ګټه رسوي.
