قاري خالد
د امریکا د متحدو ایالتونو ولسمشر بارک اوباما دیوې پرېکړې په ترڅ کې، په افغانستان کې د ناټو او امریکایي ځواکونو له عمومي قوماندان، نړیوالو متحدینو او افغان حکومت سره ترمشورې وروسته د خپلو ځواکونو دحضور پلان بدل کړی او ویلي یې دي، راتلونکي کال کې به په افغانستان کې د ٥٥٠٠ امریکایي سرتیرو پر ځای ٨۴٠٠ امریکایي سرتیري پاتې کړي.
اوباما زیاته کړې؛ امریکایي ځواکونه به په افغانستان کې د افغان سرتیرو دروزنې ترڅنګ دده په وینا دترهګرۍ پر ضد حساسه مبارزه هم پرمخ یوسي.
دمزدور نظام مشر اشرف غني د اوباما دپرېکړې هرکلی، او طالبانو د افغان مزدور حکومت او بهرنیو ځواکونو پر ضد دجګړې ددوام پخلی کړی.
په ورته وخت کې امریکایي ځواکونو په افغانستان کې دوسله والو طالبانو پر خلاف دبیا ځل لپاره دبېدریغه هوایي ځواک د استعمال او بمباریو خبر هم ورکړی.
دپوځي چارو پوهان مخکې له دې هم په دې اند ول چې امریکایي پوځیان نه له افغانستانه وځي او نه هم هوایي بمبارۍ دروي، امریکایان به کوښښ وکړي چې ظاهرا نړیوالو ته وښایي چې ګواکې دوی د افغانستان د اشغال او جګړې طرفداره ندي، خو پټ پر پټه به امریکایان خپل جګړئیز فعالیت جاري وساتي.
وروستیو تحولاتو او دطالبانو منظمو جګړو، او بریاؤو امریکایان اړ باسل چې منافقانه دریځ یې نړیوالو ته جوت کړي، له پټ پټونې یې راوکاږي او په سپین میدان یې منحیث اشغالګر، افغانانو او نړیوالو ته ودروي او هغه خلک هم پخپل نظر تجدد ته متوجې کړي چې اشغال ختم ګڼي او دبین الافغاني تفاهم نغارې ږغوي.
بین الافغاني تفاهم هغه مهال ممکن دی چې وروستی اشغالګر هم زموږ له ګرانه هیواده ووځي، دکابل بلواک نظام خپلواک شي او پرېکړې یې دبهرنیو سفاراتو پر ځای له خپلو تالارنو دملت تر کورونو ورسیږي .
دحزب اسلامي له لورې دبین الافغاني تفاهم کوښښ او ناکامۍ روښانه کړه چې دلته لا هم واک او ځواک دبل په لاس کې دی، نهایي پرېکړه د ارګ پر ځای له بله ځایه راوځي، په ګدۍ ناست چارواکي مازې روبوټونه دي او ریموټونه یې دبیزونو او سفاراتو دننه دخارجیانو پر لاسونو کې دي. ترڅو چې اشغال وي، ترڅو چې واک ټول په ټوله افغان لوري ته انتقال نسي، ترڅو چې د افغانستان پر اسمان دصلیبي الوتکو غرځار وي، ترڅو چې دکابلي چارواکو دزړه او خولې خبره یوه نه وي تر هغې به د افغان مېندو بچیان، دسرتیرو او وطن ساتو پر نوم دپردۍ جګړې دسون مواد وي. پس له دې هم د اشغال دپای، او دبین الافغاني تفاهم نغارې ږغول عارفانه تجاهل او یا اشغالګرو ته چوپړ وهل دي .
د اوباما ښکاره اعلان اشغال نه دی نو څه دي؟
امریکایانو دې هیواد ته له جګړو او وژنو پرته نور څه ورکړي؟
اوس هم دلته دپوځیانو پرېښودل جګړې او افغان غمیزي ته دطوالت ورکولو په مانا ندي نو څه دي؟
ځان به نه سره غلطوو؛ په افغانستان امریکایي یرغل ټول په ټوله دیني اړخ لري، د اسلامي نظام پر خلاف دکفارو یو پاڅون دی چې دجورج بوش په مشرۍ پیل شوی په هغه غونډه کې چې دکال ۲۰۰۱ دجولای میاشت په ۱۷م تاریخ په برلین کې ترسره شوې وه، د امریکایي پلاوي مشر “تام سیمون” طالب پلاوي ته په زغرده وویل: پراخ بنسټه حکومت ومنئ، دښځو بې مهاره ازادي ته ژمن، او دغرب پر وړاندې له سخت دریځۍ صرف نظر سئ هم به مو حکومت په رسمیت ومنل سي او هم به درباندې دډالرو باران شروع سي.
اصف ننګ پر خپل کتاب “د۱۱ سپمتبر رازونه او اسناد” کې دبرلین په غونډه کې دپاکستاني پلاوي دمشر “نیازنایک” له خولې لیکي؛ ما چې د”تام سیمون” ګواښونه ولیدل هماغه وخت پوه سوم چې امریکا به حتما او په هره بیه او پلمه چې وي دطالبانو پر نظام حمله کوي ځکه چې تام سیمون طالب هیأت ته مخامخ وویل: یا خو دغه دسرو زرو قالینچه درواخلئ او یا هم دبمونو قالینچې ته انتظار وکړئ.
په ۲۰۰۲ م کال دمۍ میاشتې په لومړۍ نېټه دچارشنبې په ورځ د امریکا ددفاع وزیر “رمزفیلډ” او د Jsc ادارې مشر جنرال پیس په ګډه یو مطبوعاتي کانفرانس درلود، ددفاع وزیر رمزفیلډ دیو خبریال په ځواب کې وویل: موږ په یوه اوږده نړیواله جګړه ورګډ سوی یو، دا جګړه دترهګرۍ! پر ضد ده، دا جګړه به دنړۍ په بیلابیلو هیوادونو او سیمو کې دتروریزم پر ضد دپوځي عملیاتو یوه مسلسله او اوږده لړۍ وي، موږ دې لړۍ ته دوام ورکوو، موږ نه غواړو چې دا لړۍ ودروو ځکه چې همدا جګړه دنړیوال امنیت دتامین او د امریکا لپاره دنړیوالې برلاسۍ یو ښه ضمانت دی.
