لیکنه ـ بدر منصور
تاریخونو ثابته کړې ده کله چې د الله (ج) دښمنان په جګړییز نظامي او سیاسي ډګر کې د شکست او ماتي سره مخ شي، د اسلام ختمولو، مجاهدینو ځپلو، او خپلو شومو پلانونو ته د رسېدا څخه مایوس شي نو بیا د جهاد او مجاهدینو پر ضد نویو لارو چارو او داسي دسیسو او فریبونو ته لاس اچوي چې په هغو سره جهاد او مجاهدین بدنام کړي، د ضعیف العقیده او غیر مخلص مجاهدینو مرال ټیټ او یا له منځه یوسي، د عامو مؤمنانو د مجاهدینو سره هماهنګي کمه کړي، او خپلو عسکرو ته داسي روحیه ورکړي چې ګواکې د اسلام له نظره هم دا تاسو پر حقه یاست او ستاسو مقابل طرف ترهګر دي.
لکه د مجاهدینو صفا ډله د ارتداد په بیلا بیلو شبکو پوري تړل.
نړیوالو او د سیمي خلکو ته مجاهدین افراطیان، ترهګر او دهشتګر معریفي کول.
هغه پېښي مجاهدینو ته منسوبول چې په هغو کې د اسلام د شعایرو او مقدساتو سپکاوی شوی وي.
هغه د کافرانو او مرتدانو له خوا پلان شوي پېښي مجاهدینو ته منسوبول ول چې په هغو کې د عامو مؤمنانو مرګ ژوبله زیاته وي.
لویو تجارتي لارو او مارکېټونو ته لوی زیانونه اړول او بیا د رسنیزو شبکو له لاري داسي تبلیغول چې دا کار د مجاهدینو دی.
دا دسیسه نن سبا د یهودو او نصاراوو له خوا په ټوله نړۍ کې د واقعي مجاهدینو پر ضد بالخصوص د افغانستان د اسلامي امارت د مجاهدینو پر ضد په چټکی سره روانه ده، په ټوله نړۍ کې هغه مجاهدین چې یوازي د الله (ج) د رضا او اعلاء کلمة الله په خاطر جهاد کوي، خامخا په یوه مرتده شبکه پوري تړل شوي او هغه کارنامې ورته منسوبي شوې چې هغه بالکل د اسلام سره په ټکر کې وي.
د کوم مهاله څخه چې د اسلامي امارت مجاهدینو د صلیبي اشغالګرو په وړاندي په ایماني قوت سره سینه سپر کړه، په خالي لاس او محض توکل د عصري ټیکنالوجۍ سره د مقابلې میدان ته را ووتل، صلیبیانو او د هغوی ګوډګیانو ته یې عملًا د جګړې په ډګر کې ماته ورکړل او په ټول هیواد کې د فتحو زرین څرک را څرګند شو، له هغي ورځي څخه کافرانو او د هغوی مرتدو غلامانو د اسلامي امارت في سبیل الله مجاهدین د پاکستان په مرته شبکه isi پوري وتړل، او غواړي د افغانستان مسلمان او جهاد پرور ولس ته داسي زهنیت ورکړي چې دا خلک مجاهدین نه دي، دا د آی ایس آی غلامان دي، تاسو باید د خپل وطن د آزادۍ په خاطر له دوی سره وجنګېږئ، که دوی مجاهدین وای نو بیا به یې تاسي ملاتړ کولای .
حال دا چې د اسلامي امارت مجاهدینو د خپلي واکمنۍ پر مهال او دهغه را وروسته تر ننه نړیوالو او خپل افغان ولس ته امتحان ورکړی دی چې د هیچا تر اثر لاندي نه دي، یوازي د الله (ج) د رضا، صلیبي اشغال د خاتمې او د یو سپېڅلي اسلامي شرعي نظام د حاکمیت لپاره جهاد کوي.
که څه هم د کفارو دغي دسیسې او نورو دسیسو د ضعیف العقیده مجاهدینو او هغو کسانو چې له اول نه مخلص نه وه، مسیر بدل او د حق نه یې جلا کړل، خو د ثابت قدمه او صابرو مجاهدینو سپېڅلی مسیر یې بدل نه کړ، هغو د الله (ج) په لاره کې د مرګ او زخم تر څنګ د ارتداد د شبکې isi آی ایس آی پلیت نوم پر ځان قبول کړ، خو خپل پاک هدف ته د رسېدو لپاره لا هم خپله جهادي جګړه پر مخ وړي او د نورو دسیسو پر وړاندي به هم ثابت قدم وي ان شاءالله.
مؤمنان باید تل د کفارو هري دسیسې ته ویښ او بیدارو وي، د جهاد په لاره کې هر رنګه ستړیاوي او تکلیفونه پر ځان ومني، او د دښمن له خوا په داسي غلطو نومونو خپله مبارزه ټکنۍ نه کړي.
د الله (ج) له خوا د نصرت، او بري وعده هم له هغو ثابت قدمه مجاهدینو سره ده، چې په هر وخت کې د الله (ج) د رضا لپاره جهاد کوي که څه هم د دښمن له خوا د مرتدینو ټاپې پر ووهل شي.
