کابل ټکی کام ۲۲چنګاښ/۱۳۹۵، ليکنه: ملا رفيع الله «احمدي مؤذن»
جهاد او شهادت د خپلواکۍ، حریت، د اسلامي روحیې په تگلارې، د رسول کریم صلی الله علیه و سلم او صحابه کرامو په منهج او طریقې د تلو او سلوک نوم دی، اسلامي ټولنه او د هغې هویت او تشخص د شهادتونو، قربانیو او سرښندنو په گاللو او تداوم ساتل شوی، او ساتل کیږي، شهادت اسلامي جامعې ته د لایزال خدای هغه عظیم سوغات دی، چې الله جل جلاله په قران پاک کې په مسلمانانو خپل یو لوی احسان بللی.
و یتخذ منکم الشهداء. الآیة
شهادت اصلاّ د اسلامي ټولنې بقا او اعلا ده.
د جهاد او شهادتونو په وجه اسلامي جامعه خپل برم، مجد او وقار اعاده کولی، او ساتلی شي، او د ځمکې پر مخ هم په فردي او اجتماعي لحاظ او هم په سیاسي او اقتصادي لحاظ، د یو خپلواک او با وقاره ژوند یو عظیم پیغام دی.
د طالبانو د اسلامي تحریک او اسلامي امارت محبوب مؤسس، د خلافت مجدد، مرحوم ملا صاب مبارک په همدې فکر رامیدان ته شو، او د زمکې پر مخ یې د سیاست نقشه تبدیل کړه، ټولې نړۍ ته یې وښودله، چې اسلام یعنې څه؟ د اسلام او مسلمانۍ غوښتنه او تقاضا څه شی ده؟
مسلمان لکه څنگه چې په لمانځه، روژه او نورو احکامو مکلف دی، همدا راز په سیاست، خلافت او د زمکې پر مخ د اسلامي حکم پر تنقیذ او د باطلو ادیانو او طریقو په محو او اضمحلال هم مکلف دی. په اسلامي جامعه کې دغه فکر او دغه نظر ستر سیاست مدار، ستر مسلمان، ستر فیلسوف او د الله جل جلاله سره په واقعي او حقیقي معنی پیوسته او واصل انسان، د خړې حجرې خړ طالب، گران او محبوب امیرالمومنین ملا محمد عمر”مجاهد” قدس الله سره العزیز اعاده او احیا کړ.
خدای جل جلاله چې کله ځمکه پیدا کړه او د ځمکې پرمخ یې د خپل حکم د تنفیذ او د غیرالله د حکم د محوې لپاره خپل استازی او پیغمبر ابوالبشر حضرت آدم علی نبینا وعلیه الصلاة والسلام د ځمکې خلیفه او واکدار تعین کړ، او په همدې روحیه یې سمبال او ولمانځه. همدا راز د هر مسلمان څخه د خدای جل جلاله غوښتنه همدا ده، چې د ځمکې پر سر به زما حکم چلیږي، حق به غالب وي، نور حکمونه او باطل به مغلوب او د ځمکې له مخ څخه به ورکیږي.
و قاتلواهم حتی لاتکون فتنة و یکون الدین کله لله.الایة
ژباړه: تر هغه پورې به له کفارو سره جنګ او قتال کوئ، ترڅو فتنه ختمه او د ځمکې پر مخ ټول حکم د الله جل جلاله لپاره وګرځي.
ټول پیغمبران د همدې لپاره مبعوث شوي، او همدا کار یې سرته رسولی، حق یې بریا کړی، باطل یې محو کړی او د قیامت تر ورځې پورې د خدای جل جلاله همدا غوښتنه ده، همدې غوښتنې ته د رسېدو لار جهاد او شهادت دی، زمونږ او ستاسو د خواږه نبي یو نوم د جهادونو، جنگونو، او شهادتونو پیغمبر دی.
دغه فکر او نظریې، او د اسلام دغې تقاضا او غوښتنې له اسلامي جامعې سره هغه وخت الوداع وکړله، کله چې مسلمانان له جهاد، شهادت، قربانۍ او اسلامي طریقې او روحیې په شا او د کفري نړۍ تر تأثیر لاندې راغلل، چې له همدې امله یې د غلامۍ، اسارت او ذلت خپل دور تېر کړ، خو لله الحمد دغه فکر او نظر او د اسلام دغه غوښتنه او تقاضا لکه مخکې مې چې عرض وکړ، د خړې حجرې، خړ طالب، ملا صاب مبارک اعاده او را ژوندی کړه، او تر نن پورې د ده مبارک له رحلت او کوچیدو وروسته هم په اسلامي امت کې ژوندۍ ده، آن تر دې چې د ملا صاب تر رحلت وروسته د نن دور دا سلامي امت او امارت امیرالمومنین شهید ملا أختر محمد منصور رحمه الله هم خپل ژوند په دې لار کې قربان کړ، او په خپل شهادت سره یې دا ثابته کړه، چې اسلامي امارت د امتیازاتو کور نه، بلکې د قربانیو ډګر دی، او ټولې نړۍ ته یې دا په ډاګه کړه، چې د طالبانو تحریک او اسلامي امارت د اسلامي نظام د قیام لپاره له خپل امیره نیولې، بیا تر ادنی طالب او مجاهد پورې، له خپل سره تېر او قربانۍ ته چمتو دی، او په دی هکله د نړۍ د هېڅ ډول فشار او دباو تر تأثیر لاندې نه راځي، او نه هم د اسلام، خپل کړېدلي ملت او مستضعف اسلامي امت، د غوښتنو څخه بې پروا او نه هم د اسلامي نظام د قیام د ستر ارمان په مقابل کې د چا پرواگیر دی، او نه به په دې هکله د چا سره خدای ناخواسته داسې معامله وکړي، چې خپل خالق ته مخ تور او اسلامي امت ته دې پېغور شي.ان شاءالله.
