مسلماني_خور_ته:
محمدعلي غزنوي .
بې پردې خور:
زه له الله سره محبت لرم او دا کافي دی ماته !
ځواب :
الله تعالی فرمايي :
قل إن كنتم تحبون الله فاتبعوني يحببكم الله .
بې پردې خور :
په دين کي يسر او اسانتيا ده سختي نه ده پکار !
ځواب :
هو رشتيا هم لکه چي فرمايي :
يريد الله بكم اليسر
خو الله تعالی د تيسيير او سهولت پر بنياد په حجاب امر کړی دی !
بې پردې خور:
بې حجابي دومره ممنوع کار نه دی لکه ته چي څومره تشدد کوې !
ځواب :
الله تعالی فرمايلي :
و تحسبونه هيناً وهو عند الله عظيم.
بې حجابه خور:
تر اوسه لا د کم عمر يم چي لويه سم بيا به حجاب کوم !
ځواب:
مرګ کوچنۍ او لويه نه پېژني !
بې حجابه خور :
له واده وروسته به ضرور حجاب کوم!
ځواب :
بنده د ګناه په وجه له رزقه محروم ګرځي , ښايي الله دي په دې کار له واده بې برخي کړي .
بې حجابه خور :
خاوند مي حجاب او پرده نه خوښوي .
ځواب :
لا طاعة لمخلوق فى معصية الخالق.
بې حجابه خور :
حجاب کوم , خو لګ صبر چي خوښ مي شي, او ځان پرې قانع کړم !
ځواب:
الله تعالی فرمايي :
ما كان لمؤمن و لا مؤمنة إذا قضى الله و رسوله أمراً أن يكون لهم الخيرة من أمرهم .
بې حجابه خور :
حجاب ما ته په تعليم او زده کړه کي خنډ جوړوي !
ځواب :
د الله تعالی رضا او جنت تر هر څه قيمتي دی .
بې حجابه خور :
د خلګو له استهزاء او پسخنده وېرېږم
جواب :
تاته په دې کار فخر پکار دی , ستا لپاره اجر اوثواب سته
خلګو په نبي کريم (صلى الله عليه وسلم) هم پسخند وهلی, همدا د انبياوو او صالحانو لار ده !
بې حجابه خور :
په دوبي (اوړي) او ګرمي کي د حجاب طاقت نلرم !
جواب :
قل نار جهنم أشد حراً (القران)
ورته ووايه د جهنم اور تر ټولو سخت دی په حيث د ګرمي .
بې حجابه خور:
معاشره او زموږ ټولنه ګرده همداسي ده !
جواب :
توبه !!! دا خو د جهنميانو تر ټولو بد ترينه وينا ده :
إن وجدنا اباءنا على أمة وإنا على أثارهم مقتدون .
الله تعالی فرمايي :
و إن تطع أكثر من فى الأرض يضلوك عن سبيل الله .
بې حجابه خور …
چي زړه پاک وي حجاب ته اړتيا نسته
ځواب :
که زړه صفا وای اندامونه به هم پر مستقيمه لار برابر وای , مبارک صلى الله عليه وسلم فرمايلي :
( إن فى الجسد مضغة إذا صلحت صلح الجسد كله، وإذا فسدت فسد الجسد كله، ألا و هى القلب ).
بېشکه په بدن کي يوه ټوټه غوښه ده , د هغې په اصلاح ټول بدن اصلاح کيږي او د هغې په فساد ټول بدن فاسد ګرځي , خبردار هغه زړه دی .
په اخير کي درته وايم
د خپل ځان په حق کي …
تر سپين سرتوب مخکي په ځواني کي
د مسلمان ځوانانو په حق کي …
له الله څخه ووېرېږه !
اې د عمر بن خطاب لمسۍ ! اې د خديجې او عايشې لمسۍ ! له الله څخه ووېرېږه !
