شمال طالبانوته سپارل کیږي

سرلیکنه
دوه اونۍ د مخه چې د فاع وزارت دهېواد په ۱۴ولایاتوکې دعملیاتود پیل اعلان وکړغربي رسنیودافغان امنیتي ځواکونوپه اړه په کابل کې دامریکایی پوځونود قوماندان جنرال نکولسن له خولې ولیکل.
افغان ځواکونه په هېوادکې د امن دساتنې توان لري په افغانستان کې پاتې امریکایي پوځونه ېې په جګړه کې داړتیاپرمهال مرسته کولای شي.
دهمدې راپورسره سم د کندزد یوشمیر ولسوالیو پرساتونکو پوستو د طالبانوبریدونه زیات شول .
د دفاع وزارت ویاند وزیري چې د کندزپه ولایت کې پرطالبانو دامنیتي ځواکونوځواب ته غاړه تازه کوله کابل ته څیرمه د میدان ورد ګوپرولایت طالبانوجګړه پیل کړه چې جګړه کرۍ شپه روانه وه چې د طالبانو او دولتي ځواکونوترمنځ په جګړه کې د درنووسلواوازونه دکابل په ښارکې هم اوریدل کیدل.
پر میدان وردګوله جګړې داسې بریښیده چې دکابل په دروازه کې جګړه روانه وي ځکه خو دفاع وزارت د شمالی ولایاتو دکنترول توان له لاسه ورکړ.
که دولت ادعاکوي چې په شمال د دولت حاکمیت دی بیاخو بې د ولایاتو له مرکزونو نوره دشمال په ټولو ولایاتو د طالبانو حاکمیت دی.
په هغه بغلان کې چې د فاع وزارت ېې د طالبانودنه شتون ادعاوکړه اوس طالبانو د بغلان ولایت ترکنترول لاندی سیموکې ولسي وګړوته خبرورکړی
چې وروسته له دې باید د خپلو عدليي او قضايي ستونزو د حلولو له پاره د دوی جوړ شوي کمېسیون ته مراجعه وکړي.
طالبانو دخپل کنترول لاندې سیموکې خلکوته ویلي که د خپلو ستونزو د حل په برخه کې دولتي بنسټونو ته ورشي؛ سخته سزا به ورکړل شي.
طالبانو دا خبرداری دمرکزي بغلان په خلکوسربیره دقند د فابریکې دسیمواوسیدونکو،تالا وبرفک ،ډنډغوري اویوشمیر نوروسیموچې د طالبانوترکنترول لاندی دی ورکړیدی ویلي ېې دي ورسته لدی څوک نه شی کولای چې دخپلوستونزو دحل په اړه دولتي بنسټونو ته ورشي.
دبغلان اوسیدونکي وایی په یادوسیموکې د حکومت نه شتوالی د دې لامل شوی، چې طالبان هلته هر څه وغواړي؛ دولسي وګړوپه اړه پریکړې کولاې شي.
دبغلان امنیه قوماندان خلکوته ډاډ ورکړی چې ډیر ژربه یواځې په بغلان کې نه بلکه په ټول شمال کې دطالبانو پرخلاف عملیات پیل شي خو په شمال کې چې ورځ په ورځ له دولته سیمې یودبل پسې له کنتروله وځې داسې ښکاري چې دولت به نور په شمالي ولایاتوکې دطالبانو بریدونه کنترول نه کړای شي.
دبلخ د والي له وسله والو او دوستم له ملیشې خو څو څو واره مرکز ته شکایتونه وشول خو د فاع وزارت پرې ځکه چوپ پاتې دې چې پریوېې هم وس نه رسیږي.
همداډول د شمال د نورو ولایاتو دامنیتي وضعې د خرابوالي ترڅنګ د تخار ولایت یو شمېر مدني فعالان وايي چې په دغه ولایت کې د غیر مسئولو وسله والو شتون او فعالیت د عامو خلکو ژوند تریخ کړی دی
د تخارولایت یوشمیر مدني فعالان په تخارکې دعدالت غوښتنې لپاره کابل ته راغلي وو او په یوه خبري ناسته کې ېې له حکومته وغوښتل چې ژر یاده ستونزه هواره کړي
د تخار ولایت مدني فعالانواو د ولس نمایندګانوپه کابل کې جوړې خبري ناسته کې وویل که دولت زموږ ستونزه حل نه کړی مجبوریو چې د زور واکواوخپل سرو وسله والو د ظلم او جبر له امله شمال طالبانوته وسپارو.
په خبري ناسته کې په شمال کې د ظلمونوپه اړه پردولت نیوکې وشوې وینا کوونکو وویل دولت د شمال دکنترول لپاره هیڅ په واک کې نه لري یواځې د پلاوي درالیږلو ژمنه وکړي، نور موږ مجبوریوچې طالبانوته تسلیم شو ځکه په کوموسیموکې چې طالبان کنترول لري هلته په هیڅ چا کوم زوراو ظلم نه کیږي .
دمخه هم دشمالی ولایاتوقومي مشرانودولت د نا امنیوپه اړه شکایتونه کړي وو خو داځل ېې دولت ته طالبانوته دشمال دسپارلوخبر ورکړ..