سرلیکنه
په شمالی ولایاتوکې د مخه هم جګړو زورکړی و خو د یوې میاشتې راپه د ې خوا د طالبا نو د پرلپسې بریدونوله امله د جګړې لمن پراخه شو ې ده.
د فاع وزارت خو تل دخپلو بریاو راپورونه ورکوي اما داځل ېې منلې ده چې د بدخشان په ولایت کې وسله والو طالبانو پریمګان او وردوج ولسوالیو کنترول حاصل کړی دی او د بدخشان ولایت په څیر غواړی نورو ولایاتوته هم دجګړې لمن پراخه کړي .
تیره ورځ د دفاع وزارت په بدخشان کې د امنیتی ځواکونو د عملیاتو راپورورکړ وې ویل چې دوسله والو طالبانو پرخلاف به د هغوی څخه د ټولو سیموترنیولو پوري عملیاتوته دوام ورکړي .
ازادو رسینومنلې ده چې په بدخشان ولایت کې عملیات دوام لري خو ورسره داهم وايي چې امکان لری روانه جګړه د ولسي وګړو د سراو مال په تاوان تمامه شي.
په شمال کې دجګړو د لمنې د پراخیدو امکانات زیات شویدی ، دبدخشان والي منلې ده چې وسله والو طالبانو پر بهارک، تګاب، راغستان، درایم او ارغنجخواه ولسوالیوخپل بریدونه پیل کړی دي چې د دواړو خواو د مرګ ژوبلوراپورونه ورکول کیږي.
په هغه بدخشان ولایت کې چې سیمه ییزو چارواکوېې څو څو واره د طالبانو څخه دسیمې د خالي کیدو راپورونه ورکړي دي خو د معلوماتو له مخې دامهال په بدخشان کې تر ۱۶۰۰ زیات طالب وسله وال د دولتي ځواکونو سره په جګړه اخته دي.
د فاع وزارت په بدخشان کې د خپلو پوځونو د عملیاتو د بریا راپورونه ورکوي اما سیمه ییز اوسیدونکي وايی چې په ټول بدخشان کې د طالبانو لخوا د وردوج ولسوالۍ د خستک له درې جګړه رهبري کیږي او پرمخ روانه ده چې دولتی ځواکونه د خپلې د فاع په حالت کې دي.
دبدخشان ولایت چارواکي اندیښنه لري وایي که حکومت د جګړې تاکتیک بدل نه کړي او دا روان حالت همداسې دوام ولری دجکړې لمن به له بدخشانه نورو ولایاتوته هم پراخه شي او د ټول شمال وضیعت به تغیر وکړي .
د فاع وزارت که دراغستان څخه په پیل شوو عملیاتو تکیه کوي هغه هم د ناکامۍ سره مخ دي ځکه د یوې اونۍ جګړې په دوام دولت تراوسه پورې یوه سیمه هم له طالبانو نه ده نیولې او نه امکان شته چې تردې وروسته به ېې ونیسي.
د ملي د فاع وزارت ویاند دولت وزیري وايي، چې په بدخشان کې عملیات د دغه ولایت له راغستان څخه پیل شوي او تر څو چې بدخشان په مکمل ډول له طالبانو نه وي خالي شوی، عملیات به دوام وکړي.
د دفاع وزارت وايي چې د راغستان دولسوالۍ پرسر جګړه روانه ده او ولسوالي دامنیتي ځواکونو لخوا کلابنده ده خو که امنیتی ځواکونوته په خپل وخت لازم پوځې تجهیزات ور ونه رسیږي ولسوالي ترې دلاسه وتونکې ده .
طالبانو چې په بدخشان کې دنورو سیموترڅنګ په یفتل هم بریدونه پیل کړل نور په بدخشان کې دمقاومت څه پاتې شول .
دولت سره د ټول توانه تراوسه په دې ونه توانیده چې په شمال کې جګړه مهار کړي سره د ټولو دعوو ورځ په ورځ په شمال کې دجګړې لمن پراخیږي نه یواځې داچې د طالبانو او دولتي ځواکونو مرګ ژوبله به زیاته شی بلکه دا اندییښه شته چې د بغلان په څيربه د بدخشان ولایت اوسیدونکې دمرګ ژوبلې او مالې تاوانونوعلاوه کډوکولو ته مجبور کړل شي .
