د مسؤليت احساس
(کابل ټکی کام ۱۳۹۵وږی ۱) منصور درمان
د مسؤليت احساس ډېرې فايدې لري، چې څه فايدې علامه صالح ملوحي په لاندې ډول ذکر کړي:
۱ـ مسؤليت انسان ته احساس، بيداري او ادراک بخښي چې د الله تعالی او د مخلوق په وړاندې امانت اداء کول واجب دي.
۲ـ مسؤليت په عمل کې اخلاص او په دې باندې ثبات پيدا کوي.
۳ـ په مسؤليت سره انسان ته د خلکو اعتماد او عزت حاصليدی شي.
۴ـ مسؤليت مسؤل انسان ته سعادت بخښي کله چې دی يو ګټور کار وکړي.
۵ـ هر انسان په ټولنه کې په اندازه د طاقت مسؤل دی او يو تن هم د مسؤليت نه خالي نه دی هر څومر چې د ده مرتبه په ټولنه کې کمه وي.
۶ـ په مسؤليت سره د دولت اساس قوي ګرځي او کله، چې سختي او جنګونه رامخې ته شي، نو په دې وخت کې دا دولت د اختلاف او ګډوډۍ قابل ګرزي.
۷ـ مسؤليت د انسان لپاره په ټولنه کي قيمت پيدا کوي.
