محصلیـــن
عبدالناصر جهادمل
پوهنتون نه چي فارِغه محـصــلین شول
کارکونکي په ښارو کي د واکســین شول
چي یې شپـه او ورځ ګاللي تکلیــــــفونه
اوس اخته په کار او بار د ایسکریم شول
بې تعلیمه مشران شوه په شعــــبو کښـي
سواد داره د شعبـــــو ملازمیــــن شــــول
چي د طِب او شریعت څــخه فارغ شول
نــــن مکتب کښي د تهذیب معلمین شول
د کوښـــښ او هلو ځـــلو پایــــله دا شوه
اوس خواران د مرستون محافظین شول
ډیر افسوس د محـصلینو په دې حال شي
چي وړیا د ښاروالي ستـــر خادمـین شول
جهادمل یې همــــیشه په درد شیریک یم
هغه ټول چي پر کورو نـن فارغــین شول
