رشید حبیب زی
د استخباراتو په لسم ریاست د طالبانو د یوه آسماني برقي برید په انتقام کې زمونږ دوه سری دولت د پل چرخی زندان ۶ تنه بی ګناه ولسی وګړی د طالب په نوم په داسی حال کې په دار وځړول چې هیڅ اسلامي او کفري قانون یې د وژلو جواز نه شو ورکولی، ځکه درې ګونو محکمو داسې کوم جرمونه ، شواهد او تحقیقات ونشو ښودلی، چې له امله یې یو چا ته د مرګ سزا ورکړل شی.
طالبان چې ځان د ولس خواخوږی او نمائندګان بولی د ولسي وګړو د اعدام په ظالمانه پریکړه یې په لیکو کې خورا توند غبرګون وپارید او د هېواد په ګوټ ګوټ کې یې په انتقام لاس پوری کړ، په لرو پرتو سیمو سربیره یې د کابل په زړه کې هم د محاکمو اړوند مامورین په نښه کړل.
مولوي جلال الدین حقاني د افغانستان هغه لاثاني شخصیت دی، چې د تیرو درې لسیزو راهیسې د هر امپراطور او ظالم مخې ته سینه سپر ولاړ دی، هر چا چې د ګران هېواد په بې وزله وګړو د جبر او تیری تکل کړی همدې سړي یې په پراخه سینه او ښه په میړانه مقابله کړې، چې په ۲۰۱۱ کې یې په شجاعت او میړانه اباما هم اعتراف وکړ او خپل ټول قوت یې په دې مصرف کړ، چې څنګه دا ستر جهادي بنسټ له منځه ویسی. لیکن الله جل جلاله ته به داسې منظوره وه چې د وخت موسی تر هغې په کوه طور ولاړ وساتي تر څو د وخت فرعون د افغانستان په غرونو کې نیست ونابود کړی.
د اشغال او ظلم له منځه وړلو په تاریخ کې به حقاني په دې معنی هم د سرو زرو په اوبو لیکل شوی وي چې د خپل زړه ټوټي ۴ زامن یې په خپل ژوند کې په شهادت ورسیدل او کشر زوی یې انس حقاني، چې په اکتوبر ۲۰۱۴ کې امریکا د خپلې کړې معاهدې په ماتولو سره بحرین هېواد کې ونیو او په افغانستان کې یې خپل کرایه دولت ته وسپاره، چې وړمه ورځ پرې په یوه لوړ پوړیز محل کې د صحرايي مکحمې له لوري په دې جرم چې ولی یې پلار مجاهد دی، د اعدام حکم وکړل شو.
د طالبانو په لیکو کې خاصتا په نظامي ځواک کې د امیرالمؤمنین نه پس د قربانیو له امله حقاني کورنۍ ځانګړی مقام لري .
طالبانو چې د مۍ په میاشت کې د ولسي وګړو په اعدام د ګرد هېواد قاضیانو خوب وتښتاوه نو د خپل یو محبوب رهبر د زوی په اعدام به څه غبرګون ښيئ ؟
دا فیصله به راتلونکی وخت وکړی .
