لیکوال : محمد العریفی
ترجمه : م، نجم الرحمن (فضلي)
۱۲- د امن او خوشحالي ډيروالی
مسلمانانو په مکه مکرمه او مدينه منوره کې ډيره زمانه له دښمنانو سره په قتال، جنګونو او معرکو کې تيره کړه، د هغې باوجود به نبي کريم صلی الله علیه وسلم هغوی ته ويل څومره چې مياشتې او کلونه تيريږي هماغومره قيامت رانږدې کيږي، هومره په امن کې زياتوالی راځي او خوشحالي عامه کيږي، د رسالت مآب ارشاد ګرامي دی )لا تقوم الساعة حتى تعود أرض العرب مروجا وأنهارا وحتى يسير الراكب بين العراق ومكة لا يخاف الا ضلال الطريق وحتى يكثر الهرج قالوا وما الهرج يا رسول الله قال القتل(.
ژباړه : قيامت تر هغه وخته نه قايميږي تر څو چې د عربو په زمکه کې دوباره باغونه او نهرونه په کثرت سره زيات نشي : او تر دې پورې چې يو سپور به له عراق څخه مکې مکرمې ته په رسيدو کې د لارې له ورکولو پرته له بل هيڅ شي به څخه نه ويريږي ([1] ) البته هرج به په کثرت سره وي، صحابه کرامو رضی الله عنهمعرض وکړ : اې د الله رسول ! دا ووايه چې هرج څه شی دی؟ رسول الله صلی الله علیه وسلم وفرمايل : قتل او خونريزي ([2] ).
د دغې خبرې تاييد د نبي کريم صلی الله علیه وسلم له هغه حديث څخه هم کيږي په کوم کې چې نبي کريم صلی الله علیه وسلم عدي بن حاتم رضی الله عنه ته فرمايلي : اې عدي ! آيا تا حيره ([3] ) ليدلې؟ عدي وويل : يا رسول الله صلی الله علیه وسلم ما ليدلې نه ده،البته د هغې په باره کې مې ضرور يو څه اوريدلي، نبي کريم صلی الله علیه وسلم وويل : که چيرته له تا سره عمر وفا وکړه نو ته به يې وګورې چې يوه ښځه له (حيره) څخه په خپله سورلۍ باندې کيني او کعبې ته ورسيږي او طواف وکړي، په دغه سفر کې به له الله تعالی Y پرته له بل هيڅ شي څخه ويره نه وي ([4] ).
که الله تعالی وغواړي نو مال به ډير په کثرت سره وي، د مهدي او حضرت عيسی علیه السلام په زمانه کې به د ظلم او ستم په ځای به د عدل او انصاف دور دوره وي ([5] ).
