س ،سيرت
د پرنگ د تاړاکونو وروسته چې افغانستان په هر اړخيزه توگه د نړۍ د نورو هېوادنو د پرمختگ له ځغله وغورځاوه، روسانو لومړى پرې د څو غلام صفته او تور مخو کمونستانو لخوا کودتا او بيا په مستقيم ډول د ١٢٠ زره پوځونو په يرغل سره د افغانستان پاکې خاورې ته را داخل شول .
افغانانو لا د روسي يرغل او را وروسته چې د کمونستي نظام پر تابوت وروستى ميخ ټک وهل شو، د اکتوبر ۷م يو بل انسانى ناورين و چې افغانان ورسره په کورنيو جگړو کې را گير شول .
غرض مو دا ٢٠٠١ ميلادى کال د اکتوبر ٧ مه وه چې امريکا لومړي د سهار پر مهال خپل پلي او هوايي پوځ ته د افغانستان په خاوره د يرغل امر ورکړ، څه وخت چې د امريکا د هغه وخت جمهور رئيس جورج بوش په امر امريکايي هوايي ځواکونو د بى ٥٢ الوتکو بمبار او ميزاييل بيل شول، د برتانوي صدر اعظم ټوني بلير لخوا وروسته د مرستې لاس ور کړل شو.
د اکتوبر ٧ مه د افغانستان په تاريخ کې د جدي د ٦مې چې روسانو پر افغانستان يرغل وکړ يو بل تور داغ دى، چې د وحشي روس له يرغل لا د افغانانو په مړو هديرې ډکې وې، چې د امريکا يرغل پيل شو .
هو! د امريکا يرغل هغه يرغل يادوم چې د ملگرو ملتونو په مشوره د ټولو نړيوالو اصولو خلاف امريکا پر افغانستان يرغل وکړ .
د سپتمبر ١١ پر واشنگټن بريد کې يو افغان هم لاس نه درلود، په هغه بريد کې امريکايي استخباراتى ادارى ciaد عربستان عربي ١٩ وگړي تورن کړل، چې د تجارتي مرکز په هوايي بريد کې يې لاس درلود.
امريکايي وحشيانو په پوره سپين سترگۍ سره د اکتوبر ٧ مه د کابل، مزار شريف، ننگرهار په مځکه او هوايي بريدونه پيل کړل، د کندهار په هوايي ډگر يې ځمکني او هوايې پوځ د ٢٣ ساعتونو په دوام پلى کړ، چې د افغانستان په ټولو ولاياتو کې يې د طالبانو د نظام د ړنگولو لپاره عمليات پيل کړل.
امريکا د مخه طالب مشرانو ته د القاعده د مشر اسامه په زندانونو کې د بهرنيو زندانيانو امريکا ته سپارل، په افغانستان کې د القاعده روزنيزو کمپونو تړل او څو نور شرطونه کيښودل، که طالبانو دا منلي هم وای امريکا پر افغانستان يرغل کاوه، ځکه د شمالي ټلوالې لخوا د مخه د طالب نظام د نسکورولو په خاطر يرغل ته زمينه برابره شوې وه.
هغه ورځ چې امريکايي پوځ پر افغانستان يرغل وکړ او د مزار په جنگي کلا، د ننگرهار په توره يوړه امريکايي پوځيانو بمباري او جگړه پيل کړه، تر نن ورځې پورې افغان مجاهد ولس د روسانو د مقابلې په څير د امريکايي يرغل پر خلاف مقاومت ته دوام ورکوي، چې افغان ولس به تر اخیرې سلګۍ د خپلې خاورې دفاع کوي او يرغلګر پوځونه به د نورو ستنيدولو يرغلگر په څېر تيښتې ته اړ کوي .
