ایا ولسمشر به دبرکسل د ډالرو پنډ د حکمتیارد سولې په آس منزل ته ورسوي؟
( سرليكنه )
په برکسل کې غونډه، د حکمتیارسره سوله او د کندز جګړه په نږدی یومهال سره پیل شول د ولسمشر محمد اشرف غني څخه چې د هملند ولایت لښکرګا د احتمالي سقوط په اړه لارښوونه وغوښتل شوه د ولسمشر ځواب داو چې د برکسل له غونډې راستون شوم بیابه تدابیرنیسو چې ورسره د حکمیار د سولې(تسلیمۍ) ترڅنګ پرکندزد طالبانو بریدونو دوام وموند..
تیره ورځ ولسمشر د برکسل له غونډې د ډالرو راوړی پنډ کیښود او د یوڅه دمې وروسته ېې د کندز ، هلمند، فراه او نورو ولایاتو چې جګړې پکې روانې دي خبرې پیل کړی وې ویل :
د کندز جګړه څه تصادفي جګړه نه وه د حکمتیارسره د سولې او د برکسل دغونډې چې افغانستان سره پکې د یوپنډ ډالرو مرسته وشوه ددې پرخلاف یوعمل ؤ طالبانوغوښتل په دې ډول له افغانستان سره په وارسا کې د نړيوالو ژمنې تر پوښتني او د بروکسل غونډه تر شعاع اواثر لاندي راولي .
دغنی په اند د وارسا له کنفرانسه وروسته د برکسل غونډه چې د۹۰پورې هیوادونو مشرانو پکې ګډون وکړ او د وارساپه کنفرانس کې تر۲۰۲۰میلادی پورې افغانستان سره د ژمنواو افغان پوځ د تجهیز ژمنه وشوه ډیر مهم ؤ.
ولسمشر اشرف غنی په هلمند لښکرګاه او د کندز په جګړه کې د ښاریانو ژوند او دهغوې دشوو مالي تاوانونو په اړه هیڅ اندیښنه ونه ښوده وې ویل :
د برکسل دغونډې ۱۵میلیارده ډالراودحکمتیار سره سوله چې د افغان حکومت لومړۍ عملي لاس ته راوړنه بلل کیږي وشوه ښه شول چې دا رانه ضایع نه شول د کندز او هلمند حالات به د وخت په تیریدوسره ښه شي
اشرف غني پدې خوښ شو چې په داخل کې مې سوله او په بهرکې راته یوپنډ ډالر راټول شول چې دابه مې د حکومت د دوام سبب وګرځي خو پوښتنه داراپیداکیږي چې د کندز له جګړې وروسته چې طالبانو په فراه ولایت کې جګړه پیل کړه دا د کوم هدف لپاره شوه ؟
د برکسل بله غونډه خو هم نه ده شوې او نه د کوم بل حکمتیار سره دسولې هوکړه لیک تیار دی د نورستان په ولایت کې خو د برکسل دغونډې پرمهال طالبانو جګړه نه ده پیل کړې ولې ددغه ولایت دولایتی شورا دروازه وتړل شوه داخو طالبانو نه د حکومت د ولایتي شوراغړو وتړله چې د کړو ژمنو په نه عملی کولو ېې خپل غبرګون وښود .
د نورستان د ولایتي شورا غړي وایی که يې غوښتنې ونه منل شي نو د ارګ او فوايد عامې وزارت مخې ته به خېمې ووهي .
که اشرف غني د برکسل او وارسا په مرستواو ژمنو ډاډه وي چې د حکومت پاتی وخت به پرې پوره کړم اوهم به د حکمتیارسره د سولې په آس د برکسل د ډالرو پنډ منزل ته ورسوم نه خو د روانو نا امنیوپه دوام د حکومت پاتې وخت پوره کولای شي او نه د حکمتیار دسولې په آس د برکسل له غونډې راوړې د ډالرو پنډ منزل ته رسولای شی ځکه حکمیتار د سولې په نامه او پلمه ډیر یاران په نیمه لارکې پریښي دي .
اشرف غنی د برکسل د غونډې ډالري پنډ ته ډیره تمه لري خو ورته څرګنده نه ده چې همدا د برکسل دغونډې ډالري پنډ به د ډیرو روانو پرمختیايی پروژو پروړاندی خنډ شي او د حکمیار د سولې آس همدا اوس ځان ښکاره کړ، کابل ته په رسیدود کندز او لښکرګاه ترپنځلس زرو زیاتوکورنیو له خپلو کورنوکډې وکړي .
ولسمشر خو د برکسل له غونډې دهیواد د پرمختګ په نامه د ډالرو پنډ راوړ خو ستونزمنه ده چې د حکمتیار دسولې په ناباوره آس به ېې منزل ته ورسوي.
