ليک: سراج الاسلام “وفا “
دلوی او بښوونکي خدای پرنامه
ګرانو زړه ته راتېرو لوستوالو ،زه به له تاسې سره دکابل ويب پاڼې له لارې هره اوونۍ دګران هېواد پر روان حالاتو ،خبرې , تبصرې , شننې کوم ،داچې هېواد مو دامريکا او دناټو له مخامخ تيري سره مخ دی او ځينې نامتو او غوره ليکوالان يې ترسيوري لاندې دي او هغوي ته دنيواکګرو په سترګه نه ګوري ،نو دوخت غوښتنه ده ،چې خپل هېواد وال دامريکا او ددوه سري حکومت له ناخوالو خبر کړل شي.
زمونږ هوډ دا دی چې په هېواد کې داسلامي نظام ترټينګيدو پورې خپلې سپېڅلې مبارزې ته ادامه ورکړو .
دا خبره هم ټولو ته څرګنده ده چې دا مهال مو هېواد او هېوادوال له سختو ستونزو او کړاونو سره لاس او ګريوان دي او دکابل ايتلافي حکومت يې پوښتنه نه کوي او په خپلو مزو ،چړچو اخته دي ،سياستوال هم يوازې دخپلو سياسي اندنو له څرګندونو پرته بل څه په واک کې نلري،دا مهال مو هېواد وال په تش ډګر پراته دي ،جګړو ،بېکاريو او نورو ناخوالوترې لوری لون غلط کړی دی او بل څوک يې پروا نه ساتي.
نو دې خبرو ته په پام سره به خپل غږ( دکابل غږ) ترنامه لاندې د(کابل ټکي کام) له لارې وباسو . الله دې وکړي چې اړوند اړخونه مو داغږ واوري او دافغانستان ته د سولې ،ملي حکومت ،اسلامي نظام له لارې ادامې او هوسا ژوندراشي او ګران هېوادوال مو له يو ښه برخليک سره مخ شي الله دې زمونږ دهېوادوالو سپېڅلي ارمانونه پوره کړي او يو ملي اسلامي حکومت چوکاټ دې هم ورته برابر شي.
په درنښت
