ډاکټر آصف
تیره ورځ د ننګرهار والي ګلاب منګل وویل چې د حکمتیار د موقت اوسیدو لپاره یې په جلال آباد کې د قبایلو ریاست خالي کړی دی او ډیر زر به حکمتیار په ننګرهار کې راڅرګند شي او په موقت ډول به په دغه حویلۍ کې و اوسیږي.
که څه هم ګلاب منګل دا د حکمتیار لپاره هغه د تبلیغیانو خبره اکرام کولو هڅه ده، خو شنونکي یې د حکمتیار لپاره ښه شګون نه ګڼي ځکه چې په افغانستان کې د امریکایانو پر ضد د جګړې له پیل نه تر دې دمه زیاتره چاودنې په همدغه سیمه کې ترسره شوي دي او زیاتره چارواکي د همدغه ریاست مخې ته د چاودنو هدف ګرځیدلي دی، چې یا وژل شوي دی او تر ننه مات ګوډ ګرځي، مونږ نه پوهیږو چې والي صیب ګلاب منګل ولې دغه سره تبۍ د حکمتیار صیب د اوسیدو لپاره خوښه کړې ده، آیا دا به د هغه د اکرام هڅه وي او که آخرت ته یې د استولو پروګرام وي.
وبه کتل شي چې د حکمتیار حکمت اوس هم کار کوي او که نه اوس ایکسپایر شوی دی، او د خپلو رقیبانو په لومو کې به ګیر شي، دا به وخت ثابته کړی.
خو زمونږ هدف هغه ته دومره یادونه ده چې د قبایلو ریاست د سیمې له تاریخ نه دې ځان خبر کړي بیا دې په دغه حویلۍ کې د خپل ژوند وروستۍ شیبې تیرې کړي.
