له مغازې سودا واخلۍ او وځئ، پیسې به دې اوتومات ورکول کېږي
الماس خدرخیل
د امریکا متحده ایالاتو کې د امازون تجارتي کمپنۍ د «Amazon go» په نامه په یوې نوې ټیکنالوجۍ کار پیل کړی، چې په مټ به یې مشتریان له دوکانونو او مغازو څخه توکي پیري او پیسې به د دوی له امیزن اکاونټونو څخه په اتومات ډول ګرځول کیږي.
د دوی په وينا، چې نوموړی پروګرام به اخيستونکی څاري چې له مغازې يې کوم توکي راواخيستل او بيا به يې له حسابه په اتومات ډول پيسې اخیستل کېږي.
د یادونې ده چې دغه کار د یو ټیبلیټ موبایل په واسطه تر سره کیږي.
لومړی یو مشتري مغازی ته داخلېږي، خپل موبایل یو خاص ماشین ته ور نږدې کوي، وروسته تر دې د ټولې مغازې توکي له موبایل سره د خاصو سیګنلونو په واسطه رابطه نیسي، کله چې اخيستونکی له مغازې بهر کیږي په اتومات ډول د توکو قیمتونه د نوموړي له اکاونټ څخه کټ کیږي.
ويل کېږي دا به په ۲۰۱۷م کال کې فعال شي خو د امريکا خلک په هغه هېواد کې د دې ټیکنالوژۍ نه خوښ نه دي، د دوی په وينا که دا فعال شي زیاتره خلک به خپلې دندې له لاسه ورکړي، چې دوی ورته job killer وايي.
