لاروی
په ګاونډیو هېوادونوکې میشت کډوال خپل هېواد ته په دې راستانه شول چې نورپه پردیوهېوادونو کې له ستونزواوکړاوونو ډک ژوند سره مخه ښه وکړي .
له بهره د میلونونوهیوادوالو دراستنیدا علاوه خپله په هېواد کې د ناروې (ریفیورجي کونسل ) د ویناله مخې په تیرمیلادي کال کې د کورنیوجګړو، د چوراوتالان دعملیاتو،اودولتي ځواکونو او وسله والو مخالفینو د نښتوله امله نوروسیموته د بې ځایه شوو افغانانو له جملې نه ۱۵۰۰۰د کابل په هغوځایونوکې میشت شوي چې د ژوندکولوقابل نه دي.
په دې ځایونوکې بې کوره افغانانو د میشتیدنې له پېله د کړاوونوژوند تیرکړخو دیخ او واورین ژمي په رارسیدو ېې ژوند نورهم تریخ شو.
د معلوماتو له مخې په کابل کې ترپنځوسو زیات داډول ځایونه شته چې همدا بې وسه، بې اثرې، بې کوره او پښې لوڅې افغانان پکې ژوند کوي اوس چې کابل نورهم واوروسپین کړ د بې وسه افغانانو د تن لوڅواو پښې لوڅواولادونو ژوند په خطر کې دی .
داپښې لوڅې اوبې کوره افغانان په داسې ځای کې هم نه دي میشت چې د کابل چارواکي، د کابل بډایان، دکابل د واک ټیکه داران اوګوندي مشران پرې هره ورځ په ډول ډول موټروکې نه تیریږي خو د یادو اشخاصو داحساس،ضمیر،افغانیت،انسانیت اوزړه سوي سترګې ړندی دي.
افغانان خو د تورمخو کمونستانود کودتا له پیله د داډول کړاوونو سره مخ دي، خو د بشردحقوقو د ادارې هم سترګې ړندې شوي دي چې په واورین کابل کې د بې وسه پښې لوڅوافغانانواو په نایجریاکې د کډوالوپر مرستندویه کارکوونکوله بمباریوځان خبراو په مرګ ژوبله ېې کوم غبرګون څرګندکړي.
د پښتومتل دی وایي: (خوارپه هندوستان هم خوار) افغانان په پردیو هېوادونوکې هم بې وسه او پښې لوڅې اوپه خپل په واورو پوښل شوي کابل کې هم پښې لوڅې!!.
ای د بې رحموپه ښارکې د رحم وړ بې کوره شوو پښې لوڅوافغانانو!
د ټولواکو او زورواکوسترګې به ړندې وي خو د قلموالو داحساس له سترګو پټ نه یاست.
چې له یخه د بې وسوژامې ړچي
د وسداروګرم کورپه اورلمبه شه
