دهېواد په ناامنیود بشرد حقوقو د ادارې اندیښنه
تبصره
د بشرد حقوقو نړیوال سازمان هرکال چې د ژمي واورین موسم رانږدې شي په افغانستان کې دبې وزلواوپه ځانګړې توګه د هغو کډوالوپه اړه چې هم یې له هیواده بهرپه بې وزلۍ کې ژوند تیرکړی وي او هم په خپل هېواد کې د نا امنیوله امله ستونزمن ژوند تیروي اندیښنه څرګنده وي.
سره له دې چې دبشرد حقوقوسازمان، د خوراک نړیوال سازمان، دملګرو ملتونود امنیت شوری اود افغانستان د سیاسي حالاتوبهرني اوکورني سیاستوال تل په افغانستان کې د ژوند تیرولو امکانات د موجوده حکومت له وسه بهربولې، یوډله چې په داخل کې د حکومت پلوي کوي وایي حکومت، حکومتولۍ ته نه پریښودل کیږي اودوېمه ډله وایي حکومت کې د حکومتولۍ اهل اشخاص نه شته چې دافغان ولس ژوند ېې تریخ کړی دی.
تیرکال د اکتوبر په میاشت کې اروپايي ټولنې په افغان حکومت زور را ووړچې هغه په زرګونه افغانان چې په اروپاېې ټولنه کې په قانوني توګه د نه منلووروسته افغانستان ته ستنول کیږي باید افغان حکومت ېې ومني.
د جرمني حکومت په دوېمه جوپه هغه ۲۶ تنه افغانان چې په جرمني کې ېې د پناغوښتنه رد شوې او نه دي منل شوي افغانستان ته ېې راولیږل چې د جرمني لخوا نا امنه افغانستان ته د افغان کډوالولیږلوباندې د بشرد حقوقو لوړپوړې څیړونکې پاتریشیا گوسمن سخته اندیښنه ښودلې ده.
گوسمن د ښودلې اندیښنې ترڅنګ ویلي ولایات خونا امنه دي آن په کابل کې له وزارتونوکانګریټي دیوالونه تاو دي چې د کابل ښار دومره نا امنه شي نو په ولایاتوکې په څرنګه ژوند وکړای شي.
په افغانستان کې د ګوسمن اندیښنه پرځای ده ځکه د کابل په زړه کې د یپلوماتان له یوه ځایه بل ځای ته نه شي تلاې او له بهرنیوسفارتونو خو د یپلوماتانو ته د وتلو اجازه هم نه ده ورکړل شوې په داډول هیواد کې به له بهره ستانه شوې کډوال څه ډول ژوند وکړي او د ژوند تیرولو لپاره په څه ډول کار وکړي.
کابل چې دا مهال ېې نفوس څلورمیلیونه یاد کړل شوی دی هره ورځ ېې د ویرې او ویرورځ وي چې بیا ورته له پاکستان، ایران او اروپايي هیوادونو کډوال هم یا راستانه او یا جبرا راولیږل شي هغوې به پکې څه ډول ژوند وکړي.
د جرمني د کورنیوچارو د وزیر توماس دیمیزیرپه پریکړه دا دویم ځل دی چې افغانستان ته په جرمني کې نه منل شوي افغانان لیږل کیږي او د امعلومات هم دیمیزیرته شته چې له ۲۰۰۱ میلادي کاله راپدیخوا دومره مرګونه ، نه وو شوي لکه په تیر ۲۰۱۶میلادي کال کې چې وشول نو هغه اندیښنه چې نا امنه افغانستان ته دکډوالو دلیږلو په اړه پاتریشیا گوسمن ښودلې ده پرځای اندیښنه ده.
