لیک : ذبیح الله ساپی
د سعودي عربستان د هوایی چلند ادارې، د مکی مکرمی د پاسه د طیارو الوتنه په قطعي صورت ممنوع اعلان کړي ده، او د الوتنې د علم په اساس یې داسي شفر ورکړي دي OE(p)-01 معنی یې دا ده: چې د مکی مکرمی د پاسه الوتنه د ځمکي څخه واخله تر اسمان پوري ممنوع ده .
د سعودي عربستان د هوایی چلند یو متخصص وویل: که څه هم مکه مکرمه د جده هوایی ډګر، او د طائف هوایی ډګر په منځ کې پرته ده، نو لازمه وه چې د مکی مکرمی د پاسه ډیر هوایی سړکونه جوړ شي، خو د سعودي عربستان د هوایی چلند ادارې کوښښ کړي، چې د مکی مکرمی د پاسه هوایی سړکونه جوړ نه کړي، د دوو اساسي لاملونو له امله:
اول: امکان شته چې په طیارو کې غیر مسلمان ناست وي، او لازمه ده، چې غير مسلمان د بیت الله شریف د پاسه تير نشي، ځکه چې دین اسلام کې ترې منع راغلي ده.
دویم: چونکي بیت الله شریف د غرونو منځ کې پروت دي، نو هر لګ اواز نه ډیر لويې اواز جوړیږي، لهذا چې عبادت کونکو ته، د طیارو شور تکلیف ونه رسوي.
هغه اوازې ټولي دروغ دي، چې وایی مکه مکرمه مغناطیسي قوه لري، او یا هواء نه لري، نو ځکه طیاره د مکی مکرمی د پاسه الوتنه نه شي کولي، اګر چې د ضرورت په صورت کې هلیکوپترونه د بیت الله شریف د پاسه الوتنې کوي.
