لـیـکـنـه: ابــوحـمــزه م فــیــضــان
نن سبا په رسنیز ډګر کې دغرب او دهغوۍ دګوډاګیانو په اشارو دا جعلې مو ضوع ډیره توده ده چې( طالبانو په مساجدو کې مرکزونه جوړ کړې دې دهستوګنې لپاره ،چې کله دمسجد څخه کډه کوې نو هغه مسجد په مینونو الوځوې ) مساجد خو یواځي د عبادت لپاره جوړ شوې دې نه دهستوګنې لپاره ؟
او حقیقت دادی
چې کفارو او دهغوۍ غلامانو په هیڅ وخت کې و اسلامې مقدساتو ته هیڅ درناوۍ ندې کړې. زمونږ په مساجدو کښې دبوټو سره هر وخت ګرځې،زمونږ مساجد یی د بمونو په واسطه دخاورو سره خاورې کړل، زمونږ په مساجدو کي یې شرابونه وڅیښل ، سپي یې پکې وتړل ، او هلکان یې پکښې ورقصول ، پر هیڅ قسم بی عزتي یې صرفه ونکړل……….
کیدایشې خلکو ته دا خبر ه په ذهن کی ورګرځې چي مسجد یواځي او یواځي دعبادت لپاره دې نه دبل څه لپاره؟
راځئ چی ددې پوښتنې ځواب د رسول الله صلی الله علیه وسلم له کړونو نه واخلو چې هغه مبارک صلی الله علیه وسلم مسجد دڅه لپاره جوړ کړې ؤ ؟او څه یې پکښې کول؟
مسجد لکله څنګه چی د لمونځونو د ادا کولو ځاي دی همدا رنګه داسلامي حکومت مرکز هم بلل کیږی. لکه پیغمبر علیه الصلوة والسلام چې په مسجد کښې دخپلو ملګرو سره پنځه وخته فرضي لمونځونه اداء کول او له همدې ځاې څخه به یې دمسلمانانو او مدني ټولنې چاري سنبالولې او اداره کولې، لښکري به یې دجنګ لپاره ليږلې او دجنګي قائدینو لپاره به یې همدلته بیرغونه تړل ، او له همدې ځاې څخه به یې وفدونه او استازي دشاوخوا ملکونو مشرانو او سردارنو ته لیږل او همدلته به یې عربې او عجمې وفدونو استقبال کاوه. مدینې ته راتلونکو قافلو او وفدونو به خپل دسورلۍ څاروي دمسجد څخه بهر تړلي او بیا به یې په مسجد کې د رسول الله صلی الله علیه وسلم سره ملاقات کاوه، او رسول الله صلی الله علیه وسلم به دقضاء مجلس هم په مسجد نبوي کې جوړاوه. دخلکو شکایتونه به یی اوریدل او دهغوی تر مینځ د پیدا شوو شخړو فیصلې به یې کولې او په همدې مسجد کې به رسول الله صلی الله علیه وسلم دخپلو ملګرو سره دامت دخاصو او عامو او نظامي امورو په باره کي مشورې کولې. او همدارانګه دغه مسجد دیو ټولنیز مرکز حیثیت هم غوره کړې ؤ چې هغو مسکینو او فقیرانو مسلمانانو به همدلته استوګنه کوله چاچې به په مدینه منوره کې کور یا خپل خپلوان نه درلودل. او همدلته به رسول الله صلی الله علیه وسلم ځوانان واده ته هڅه ول، دهغوي دواده نکاح به همدلته تړل کیده، او ځنې تړونونه به یی کول او دخوارو او غریبو خلکو سره به یی مرستي کولې. ځکه چی مسجد داسلامی دولت د اهمو ارکانو دجملې څخه دی، او ددولت دسیاسي، دیني، اجتماعي، او تعلیمي ادارو یوه لویه او مهمه اداره بلل کیږي. نو له دې کبله رسول الله صلی الله علیه وسلم یثرب ته درسیدو سره سم په قباء او مدینه منوره کې دې سترې مهمې اسلامې ماڼۍ دجوړولو اقدام وکړ. مسجد داسلامي دولت په تنظیمي جوړښت کې فعال او مهم رول درلوده تر دې چې داسلامي امت د مصلحت په خاطر ټولې مهمې فیصلې به په مسجد کې کیدلې نو دمسجد نبوی او یا عام مسجد رول او فعالیت یواځې تر لمونځونو پورې منحصر نه ؤ او ندې بلکې یو زیات شمیره وظائف یی اداء کول چې یو څو یې په لاندې ډول د یادولو وړ دي:
(1)مسجد دامت دښوونې او روزنې درسګاه و
(2)دامت دوحدت او داخلي تړاو ټولنځاي ؤ
(3) د پارلمان یا مجلس شوری د خونې حیثیت یی درلوده چیرته چې مسلمانانو د امت د بهبود او کامیابۍ دلارو چارو مناقشې او مشورې کولې.
(4) د قوانینو او تشریعاتو دنشرولو او خپرولو یوه تشریعې او قانونې اداره وه .
(5) د حکومت د واکدارۍ اوخارجي او داخلي پالیسۍ مرکز ؤ.
(6) د خارجي وفدونو د استقبال او هغوي سره د مذا کراتو او معاهدو د امضاء کولو ځاې ؤو ددې سره سره اسلامي تعلیمات به هم دلته شرح او بیانیدل .
(7) یوه عسکري او نظامې قرار ګاه وه چې مجاهدینو به هلته دجهاد لپاره معنوي او بدني تمرینونه کول، رسول الله صلی الله علیه وسلم به دلته د جنګي لشکرو لپاره مشران ټاکل او هغوي ته به یې بیرغونه تړل او دهمدې ځاي څخه به یې مجاهدین جنګ ته لیږل او دجنګ څخه به راستانه شوو لښکرو او قومندانانو سره به یې دلته کتل.
(8) درعیت او حاکم تر مینځ د اتصال او اړیکو مرکز ؤ.
دمسجد رول محدودیدل نن سبا د سلامي امت دناکامۍ او شاته پاتې کیدو د مهمو اسبابو د حملې څخه شمیرل کیږي.
