لیکوال:مسعود آرین
د پسرلي له پیل سره سم طالبانو د خپل پخواني عادت په څیر د هیواد په ګوټ ګوټ کې د افغان حکومت په وړاندې یو ځل بیا خپل وسلوال مخالفت چټک او ګړندی کړ او جګړو ته یې زور ورکړ
طالبانو همدا راز د نوي کال سره سم خپل نوي عملیات د منصوري په نوم هم اعلان کړل چې د دې عملیاتو په جریان کې طالبانو له افغان دولت څخه خورا مهمې او ستراتیژیکې سیمې حتی په ځینو ولایتونو کې یې ولسوالۍ هم ترې ونیولي
ویل کیدل چې طالبان به سږ کال د روژې په میاشت کې د افغان دولت په ضد پخپلو جګړو کې د نورو میاشتو په پرتله کموالی راولي ځکه په روژه کې هر رنګه انسان له خپله ځانه تنګ کوي،سستي او کهالي له خوراک څخه د خولې د بندیدا له کبله زیاته وي دا خو هلته پریږده چې یو څوک له یو فعال حکومت سره جګړییزه مقابله وکړي
همدا راز ولسمشر اشرف غني او د حزب اسلامي ګوند مشر ګلبدین حکمتیار هم د روژې میاشتې له رابرسره کیدو سره یو ځای له طالبانو د جګړې د بندولو غوښتنه وکړه خو طالبان بیا وایي چې نه، په روژه کې د هر عبادت ثواب ۷۰ برابروه وي.
دا دی موږ او تاسو روژه او طالبان دواړه وینو چې څنګه سره تیریږي او طالبان په روژه کې هم د پخوا په شان د ولسوالیو مرکزونه او حتی د ولایاتو مرکزونه تر بریدونو لاندې راولي او له ګواښ سره یې مخ کوي.
اشرف غني د دې پر ځای چې د افغانستان د جوړونې لپاره یې یو ښه اقدام ترسره کړای وای او په نورو ښو لارو یې غور کړای وای؛له طالبانو څخه یې یوه ډیره ماشومانه غوښتنه وکړه چې یو ماشوم یې له بل ماشوم څخه هم نشي کولای
د اشرف غني او ګلبدین د دې غوښتنې په مقابل کې د طالبانو خاموش دریځ او بیا په دې روژه کې د دوی دومره زیاتې لاس ته راوړنې د طالبانو د زیات زور په مانا ده او دا په ډاګه کوي چې طالبان ریښتیا هم خپلې داعیې ته په ریښتیا ژمن دي او په روژه کې هم د خپلې داعیې لپاره کار کوي
افغان حکومت او طالبان چې دواړه د جګړې ښکیل اړخونه دي دواړه د خپل وطن د جوړیدو دعوی کوي او وایې چې موږ وطن جوړونکي یو سره پرتله کوو
په دې روژه کې د اشرف غني له طالبانو څخه د جنګ د بندیدو غوښتنه او د طالبانو له لوري خپل جګړییز فعالیت ګړندی کول موږ ته راښیي چې اصلاً څوک خپلې داعیي او دعوی ته په ریښتیا ژمن دي
