پښتون
ملا محمد مطمئن
پښتون
ﻋﺎﺩﺗﻮﻧﻪ ﻋجيبﻪ ﻟﺮﻱ پښتون
ﻗﺪﺭﺗﻲ ﺯړﻩ ﮐې ﺟﺬﺑﻪ ﻟﺮﻱ پښتون
که ﯾې څﻮﮎ ﺩ ﻣﻌﺮﻓﺖ ﻧښﺎﻧﻪ ﻏﻮﺍړﻱ
ښﮑﻟﻲ ﺳﺮ ﺑﺎﻧﺪې ﺷﻤﻠﻪ ﻟﺮﻱ پښتون
ﺩ ﺩﻥﯿﺍ ټﻮﻝ ﻃﺎﻗﺘﻮﻧﻪ ﺗﺮې ﭘﻩ ډﺍﺭ ﺩﻱ
څﻪ ﺷﻮﮐﺕ څﻪ ﺩﺑﺪﺑﻪ ﻟﺮﻱ پښتون
ﺗﻪ ﯾې ﻟﻮﻟﻪ ﺩ ﻧﻨګﻮﻧﻮ ﮐﺗﺎﺑﻮﻧﻪ
ډېﺮﻩ ﺳﺘﺮﻩ ﻓﻠﺴﻔﻪ ﻟﺮﻱ پښتون
ﻟﻪ ﮐﺷﻢﯿﺭ ﺗﺮ ﺍﺻﻔﻬﺎﻧﻪ ﯾې ﻭﻃﻦ ﺩﯼ
ﻫﻨﺪﻭﺳﺘﺎﻥ ﺳﺮﻩ ﺣﺼﻪ ﻟﺮﻱ پښتون
ﺩ ﺟﻬﺎﺩ ﭘﻩ ﮐﺍﺭ ﻭ ﺑﺎﺭ ﺑﺎﻧﺪې ﻟګﯿﺍ ﺩﯼ
ﭘﻩ ﺟﻨګﻮﻧﻮ ﮐې ﺭﺷﺘﻪ ﻟﺮﻱ پښتون
ﭘﻩ ﻧېﺰﻭ ﺑﺎﻧﺪې ﻭﻫﻲ ﻣﻐﺮﻭﺭ ﺳﺮﻭﻧﻪ
ﺧﻮﻧﺪﻭﺭﻩ ﻭﻅﯿﻓﻪ ﻟﺮﻱ پښتون
ﻫېڅ ﭘﺭﺩﯼ ﻭﺭﺑﺎﻧﺪې ﻧﻪ ﺩﯼ ﻏﺎﻟﺐ ﺷﻮﯼ
ﺗﻞ ﻟﻪ ﻭﺭﻭﺭﻩ ﺧﺴﺎﺭﻩ ﻟﺮﻱ پښتون
ﺩ ﺍﻟﻠﻪ په ﺩﯾﻥ ﻟﻪ ځﺎﻧﻪ ﻗﺮﺑﺎﻧېږﻱ
څﻪ ﺱﭙېڅﻠې ﻋﻖﯿﺪﻩ ﻟﺮﻱ پښتون
ﺗﺮېﻨﻪ ﻏﻮﺍړﻱ ﯾې ﭘﻩ ﺯﻭﺭ ﮐﻩ ﭘﻩ ﺭﺿﺎ ﻭﻱ
ﭘﻩ ﺍټﮏ ﺑﺎﻧﺪې ﺩﻋﻮﻩ ﻟﺮﻱ پښتون
ﻭﺭﺗﻪ ﻏﻮږ ﺷﻪ ﻣﻄﻤﺌﻨﻪ ﻏږ ﯾې ﻭﺍﻭﺭﻩ
ﭘﻩ ﺯړګﻲ ﮐﻭﻣﻪ ﮐﯿﺳﻪ ﻟﺮﻱ .پښتون
