د کوچني اختر ورځ الله ﷻ ته د شکر او حمد وثنا کولو ورځ ده!
عبدالرحمن ذکي
د شوال د مياشتي اوله ورځ د کوچني اختر ورځ وي. دا د ټول عالم اسلام لپاره يوه ګډه د خوشحالي لمانځلو ورځ ده، مسلمانان د روژې د مياشتي په تيريدلو سره عبادات تقوا، عجز او د نعمتونو د شکرانې لپاره د اختر د لمونځ په ادا کولو سره لمانځي او دغه رنګه د نفس په پاکوالي سره او د خوشحالي جوړولو لپاره د کوچني اختر ورځ په ډير احترام او له اسلامي مراسمو سره سم تيروي.
زمونږ خوږ نبي حضرت محمد مصطفي صلي الله عليه و آله و سلم د اختر د ورځي فضیلت په اړه فرمايلي.
”اذا کان اول یوم من شوال نادی مناد: ایھا المؤمنون اغدو الی جوائزکم، ثم قال یا جابر! جوائز اللہ لیست کجوائز ھؤلاء الملوک، ثم قال ھو یوم الجوائز“.
يعني چې کله د کوچني اختر اوله ورځ وي، د اسمان والا غږ کوي: اي مومنانو! د خپلو تحفو اخيستلو په طرف ولاړ سي او بيا يې و فرمايل اي جابره! د اللهﷻ تحفې يا ورکړه د دنيا د بادشاهانو او اميرانو په څير نه ده، بلکه د کوچني اختر اوله ورځ د الهي نعمتونو يا تحفو د ويشلو ورځ ده.
او بيا يي وفرمايل د اسمانونو والا به دا غږ وکړي اي بندہ داللهﷻ تا ته دي مبارک سي ستا د تير کال ټول ګناهونه معاف شول اوس ته ده راتلونکي ورځي په هکله فکر وکړه چه ګناه در څخه ونه سي.
امام انس بن مالک مومن ته د اختر مبارکي زيري په ډير ښکلي توګه فرمايي چه د مومن لپاره ځانګړي پنځه اختره دي .
اول چې په کمه ورځ له ګناهونو ځان وژغوري.
دوهم چه په کمه ورځ له نړي څخه سالم ايمان يوسي.
دريم د پل صراط په لاره په سلامتي او کاميابي سره تير سي.
څلورم له دوزخ څخه د خلاصون او ده جنت زيري ور کړ سي.
پنځم د باري تعاليﷻ رضا ور په برخه سي او د اللهﷻ په ليدلو سره يي سترګي مَړې سي.
د کوچني اختر ورځ اللهﷻ د نعمتونو لپاره د شکر کولو ورځ ده، ده کوچني اختر ورځ د روزي د قبوليت د دوزخ څخه د خلاصون او د مبارکي ورځ ده.
خو رښتيا دا ده چه د هغه غافل يا بدبخته کس لپاره د اختر په خوشحاليو کښي کومه برخه ده چه د اللهﷻ نعمتونه پر ده اوريږي د عذاب څخه د خلاصون او د بخښني لپاره له دده سخه غوښتنه کيږي، مګر دي بيا هم هيڅ توجه نه کوي دي ده دنيا په فکرونو او نفساني خواهشاتو کښي ډوب دي د توبه او استغفار او تراويح کولو فرصت يي نه درلود، دي د ددنيا محبوبيت له دين څخه غافله کړي وه د روزه مبارکه مياشته له ده څخه په غفلت او سستي کښي تيره سوه.
يقيناً اختر دغسي خلکو ته مبارکي د پيغام په ځاي دي ده دوي ته د هدايت دعا کولو طلبګاره دي نور نو ددغسي کس د ہلاکت اور غفلت په اړه کوم شک کيداي سي د کوم چا لپاره چه حضرت جبريل امين ښيرا کړي او زمونږ خوږ نبي دده په ښيرا باندي امين ويلي دي.
