ډاکټر آصف
امریکا او ائتلافي هېوادونه یې یو ځل بیا غړمبېږي چې ګوندې افغانستان ته مزید نور پوځونه استوي، ځکه چې حالات ښه نه دي. په داسې حال کې چې راپورونه دي چې حالات خرابوي هم امریکا او د بېرته سمولو لپاره د پوځونو د استولو غومبر هم وهي.
ډېری راپورونه شته چې امریکایي هلیکوپترې داعش جنګیالیو ته وسلې او نور اړین توکې په یوه او بل ولایت کې غورځوي، په دې سره امریکا د جنګ اور ګرم ساتل غواړي؛ خو له بله پلوه دې اور ته د مړ کولو لپاره ادعاوې هم کوي، څو پر افغانانو برسیره نړیوال هم اغفال کړي او په دې ترتیب سره خپلو شومو موخو ته په دې طریقې ځان ورسوي.
خو امریکا باید په دې وپوهیږې چې د مزید پوځونو لېږلو او په افغانستان د جنګ د اور ګرم ساتلو کې هیڅ هم نشي ترلاسه کولای، پرته له دې چې بشري ناورین رامېنځته کړي نور هېڅ هم نشي کولای.
امریکا باید نور دغه کرغېړن سوچ له خپل دماغ نه وباسي چې ګوندې په چل ول او حیلو به د افغانستان پاکه او د شهیدانو په وینو سره خاوره اېل کړای شي، برعکس امریکا به د شهیدانو د وینو په سرښت کې داسې ونښلي چې د تېښتې چانس به یې هم له لاسه ورکړی وي.
امریکا ته د افغانانو مشوره دا ده چې د افغانستان په هکله خپله استراتیژي دې نوره بدله کړي او په خپلې تګلارې دې له سره فکر وکړي. نه دې د خپل ملت راتلونکي تیاره کوي او نه دې خپل هېواد ځانته په جنهم بدلوي او نه دې د افغانستان مجاهد روزونکې خاوره په خپل قبرستان بدلوي. افغانان نه پوهیږي چې امریکا ولې د پخوانیو ښکیلاکګرو چنګیزیانو، انګریزانو او روسانو له خیالي جبروته پند او عبرت نه اخلي او مزید خپلې پښې په داسې هېواد کې نښلوي چې ګرده نړۍ ګواهي ورکوي چې دغه هېواد ته ننوتل آسان دي خو بېرته وتل ورنه آسان نه دي. بیرته وتل یې په درانه قیمت تمامېږي.
له دې معلومېږي چې امریکا تر چنګېز، انګرېز او روس څو چنده کم عقله ده، چې هېڅ بې هېڅه په دغه هېواد کې خپل سرنوشت د پخوانیو ذلیل شویو ښکیلاکګرانو په پل رهي کوي.
ایا په امریکا کې کوم عاقل انسان نشته چې دغه لیوني سپي ته نصیحت وکړي او په سمه لاره یې روان کړي؟
آیا امریکا خپل ماغزه له لاسره ورکړي؟؟؟ آیا امریکا د خدایۍ د ادعا مرحلې ته رسېدلې او د فرعون په قدم قدم ایښودل غواړي آیا د فرعون غرقېدا یې له یاده ویستلې؟
آیا امریکا تر اوسه افغانان او د هغوی د مټو له زوره نه ده خبره؟ آیا امریکا تر اوسه د مسلمان له ګوزارونو اطلاع نلري؟
ولې په لوی لاس هم ځان ته او هم نورو ته تلپاتې سرخوږي او له درده ډکه فضا جوړوي؟
آیا امریکا په دې نه پوهېږي چې آخر تر څو به چل ول وکړي او تر څو به دغه چل ول بریالی وي؟
او اخر به څه وي؟ بیا به نړۍ ته څه سترګې ولري؟ او افغانانو ته به څه سترګې ولري؟ آیا په چنګېزیانو د پوپناه کېدا وخت راتلای شي، آیا په انګرېزانو د ټغر ټولېدا حالت راتلای شي او آیا په روسانو په ټیټ سر او ذلیل حالت له افغانستانه د تیښتې حالت راتلای شي آیا په امریکا دا حالات راتلل ناشوني دي؟ نه هېڅکله نه. ډیر زر به امریکا هم د چنګېز، انګرېز او روسانو په مسیر ورشي او افغانستان به یو ځل بیا د استقلال جشن د انګرېزانو نه د استقلال د جشن په تعقیب لمانځي. و ما ذلک علی الله بعزیر.
