چې مېلمه کورته را داخل شي څراغ مړ کړه

لیک : سلیم خوګیاڼی
یو سړي رسول الله صلی الله علیه وآله وسلم ته راغلي او ویې ويل زه په مشقت کې یم یعني له لوږي په تکلیف يم نو رسول الله صلی الله علیه وآله وسلم له خپلو میرمنو څخه یوې ته حال ورکړ چې دغه مېلمه ته ډوډي ورکړي هغې وويل : زما دي قسم وي په هغه ذات چې ته یې په پيغمبري مبعوث کړي یې له ماسره له اوبو پرته بل څه د خوراک لپاره نشته نبي علیه السلام بلي ميرمنې ته مراجعه وکړه هغي هم کټ مټ همداسي جواب ورکړه!
تردي چې ټولو ازواجو مطهراتو همدا وویل چې زما دې قسم وي په هغه ذا چې ته یې په پيغمبري مبعوث کړي یې له موږ سره له اوبو پرته بل څه د خوراک نشته نو رسول الله صلی الله علیه وآله وسلم صحابه وو ته مخ راواړولو او ې ویل څوک به نن شپه دغه مېلمه ته ډوډي ورکړي د انصارو له جملي څخه یو صحابي وویل زه اې د الله رسوله؟
نو هغه انصاري مېلمه خپل کورته بوتلو او له خپلي ميرمنې وپوښتل چې ایا د خوراک درسره کوم شي شته میرمنې یې جواب ورکړ بل شي نشته یوازي دخپلو بچیانو په اندازه خوراک شته؟
صحابي خپلي میرمنې ته وویل ماشومان په کوم بل شي غلط کړه او چې کله هغوی د شپي د ډوډي اراده وکړي نو ویده یې کړه کله چې مېلمه کورته را داخل شي څراغ مړ کړه او موږ به مېلمه ته د ژامو په اواز سره ښيو چې موږ هم ګواکې خوراک کوو نو دوی همداسي وکړل مېلمه ډوډې وخوړله او دوی دواړه وږي ویده شول کله چې سهار شو او رسول الله صلی الله علیه وآله وسلم ته راغلل نو
رسول الله صلی الله علیه وسلم ورته وفرمایل تاسو چې د شپي د مېلمه سره کوم چلند وکړ په یقین سره د الله تعالی ډير خوښ شو او ښه یې وباله.