سرليکنه
تیره اونۍ چې د جی شل غوڼده په هامبورک کې پیلیدونکې وه دغونډې ګډونوالو د پوتین او ټرمپ د لیدوانتظار ویست چې جي شل په غونډه کې د دواړو امریکا او روسيې د مشرانو دا لومړۍ لیدنه وه ، که څه هم د جی شل په غونډه کې د خپلې اجنډا له مخې خبرې کیدې خو ټرمپ په بیلابیلو مسایلو خبرې وکړې.
د جي شل په غونډه کې د ټرمپ اصلي موخه په سوریه کې اوربند ؤ چې د ایران او روسیی لخوا هغه جګړه مارې ډلې له منځه وړل کیدې کومې چې امریکا د بشارالاسد د رژیم د پرځولو لپاره وسله والې کړې وې.
د جي شل په غونډه کې پوتین او ټرمپ موافقه وکړه چې په سوریه کې به د مذاکراتو ترکامیابۍ پورې اوربند دوام ولري چې ددې اوربند او موافقې پایلې په غربي رسنیو کې ښه شد امد سره په وار وار ولیکل شوې.
دغونډې په پیل کې تمه وه ټرمپ به نیم ساعت خبرې وکړي خودا چې د ټرمپ موخه د جی شل په غونډه کې د سورېې اوربند ؤ دوه ساعته ېې خبرو دوام وکړ،چی د روسېې د بهرنیو چارو وزیر سرګي لاوروف په روسیه کې یوې خبري غونډې ته په وینا کې په جي شل غونډه کې د دواړو مشرانو موافقه د سورېې ترڅنګ د سیمې دامن لپاره مهمه وبلله .
موږ په سوریه کې تل دامن غوښتنه کړیده اوپه سوریه کې روانه شپږ کلنه جګړه مو د اسلامی هیوادونواو د نړۍ د مسلمانانو پرخلاف یو توطیه بللې ده خو امریکا په دې پوهه شوې وه چې په سوریه کې دامریکا، برتانیی او اسرائیلو لخوا داسد درژیم پرخلاف راپورته کړل شوې وسله واله ډله داعش داسد له رژیم سره د روسېې او ایران په پلوۍ له منځه تلونکې ده غوره داده چې په سوریه کې اوربند وشي.
په سوریه کې چې د روانې شپږ کلنې جګړې په دوام څومره تاوانونه سوریایی مسلمانانو ته ورسیدل او خپلو کورونو پریښودو ته اړشول ټوله اسلامی نړۍ پرې اندیښمنه ده یا څومره مو چې د افغانانو په بې کوریواو ډول ډول کړاوونو زړونوته درد رسیدلای دی هومره مو د سوریایی مسلمانانو به اړه زړونه دردیدلي دي .
خو دا د حیرانتیا خبره ده چې امریکا او روسیه په سوریه کې دخپلو خپلو ګټو په خاطر د شپږ کلنې جګړې تاوانونه د سورېې او د سیمې په تاوان بولي خو په افغانستان کې دواړه مشران پوتین او ټرمپ دخپلو خپلو ګټو په خاطر په افغانستان کې اوربند په اوربند نه بلکې په اوربل سره موافق دي.
دحیرانتیا خبره خو داده چې د افغانانو ،ګاوانډیو او د سیمې دهیوادونو د سیاسی مشرانو سترګې ولی د افغانستان حالاتوته په ژور نظر نه ګوري ؟ ولی ېې د افغان مظلوم او بې دفاع ملت په اړه داحساس سترګې ړندې دي؟
د روسېې د بهرنیو چارو د وزیر سرګي لاوروف په وینا چې په مسکوکې ېې د جې شل غونډې د پاې وروسته مطبوعاتي غونډې ته کوله وۍ ویل : نړیوالو په سوریه کې د روانې شپږ کلنې جګړې څخه زیاتې اندیښنې درلودې خو د پوتین او ټرمپ په لیدنه کې چې په سوریه کې د اوربند موافقه وشوه له منځه ولاړې چې مثبتې پایلې به ولري ددې نه داثابته شوه چې د ټرمپ او پوتین ګټې په سوریه کې په اوربند او په افغانستان کې په اوربل پورې تړلي دي.
په ۱۹۷۸میلادی کال چې رسانو پرافغانستان یرغل وکړ روسي مشر بریژنف د خپل امریکایی سیال کارتر سره لیدنه ویاړ نه بلله اوپه ۲۰۰۱میلادی کال چې امریکا پرافغانستان پوځی یرغل وکړ بش دپوتین سره لیدنه ویاړ ونه بلله خو چې په هامبورک جی شل غونډه کې د د سورېې په اړه د پوتین او ټرمپ لیدنه وشوه نو د دواړو هیوادونو بهرنیو چارو وزاتونو په خپلو اعلامیوکې وویل د پوتین او ټرمپ لیدنې مثبتې او ګټورې دی ښې پایلې به ولري.
په ۱۹۶۱میلادی کال دامریکا جمهور رئیس جان ایف کینډي اعلان کړه چې په ټوله نړۍ کې دافغانستان په پرتله دوست هېواد نه لري.
پوتین او ټرمپ په سوریه کې په اوربند موافقه وکړه خو د دواړو هیوادونو د مشرانو پوتین او پرمپ موافقه داده چې په افغانستان کې دې د تل لپاره اوربل دوام ولري.
