لیک : محمد یوسف متوکل
ثوبان رضی الله عنه وایی چی یوه ورځ رسول صلی علیه وسلم وویل یوه داسی زمانه راتلونکی ده چی دکفر اوباطل پرستو ډلی به په خپلومنځونو کی ستاسو دمسلمانانو دختمولو لپاره یوبل داسی راغواړی اوسره راټولیږی به لکه څنکه چی دډوډی خوړلو پروخت ډوډی خوړونکی له دسترخوان څخه راټولیږی.
ددی خبری په اوریدوسره یو صحابی وویل ای دالله جل جلاله رسوله صلی الله علیه وسلم دغه وخت به مونږ کم یوو رسول الله صلی علیه وسلم ځواب ورکړ نه تاسو به ډیر زیات یاست دومره زیات لکه دصحرا شګی مګر ستاسو مثال به دوښو شنی ګیا دهغوخلوپه څیروی چی دسیند څپه یی له سره واخلی او هرخوایی چی خوښه شی ږړی یی رسول الله صلی علیه وسلم بیاوویل او الله عزوجل به خامخا ستاسو ددښمنانوله زړونو څخه ستاسو ویره وباسی له تاسو نه به نه ویریږی او خامخابه هغوی ستاسو په زړونو کی لټی اوسستی درواچوی.
یوصحابی بیاوویل دسستی به څه سبب وی رسول الله صلی علیه وسلم ځواب ورکړ تاسو به له دنیاسره مینه کوئ او مرګ به مکروح ګڼی یعنی له مرګه به ویریږی درسول الله صلی علیه وسلم دغه وړاندوینه له ډیرمودی راپدیخوا په حقیقت بدله شوی اومسلمانان نن خپله بده ورځ په خپلو سترګو ګوری داهم ګوری چی نه ورته څوک دعزت په سترګه ګوری اونه یی په دنیاکی پری ژوندکول پیرزو دی.
یوهغه وخت وچی نوروقومونو به داعوره ګنله چی ددوی مشران دی مسلمانان وی اویوه ننی زمانه ده چی مسلمانه قومونه په خپل قلم رو حکومت کی دمسلمان شتون هم نه خوښوی داچی دټولی نړی مسلمانان په یوساعت اویوځل ختم شی داخوامکان نه لری لکه څنګه چی مخکی وړاندوینه تیره شوه البته داسی شوی چی په کوم ملک مسلمان پخپله حکمران و خو دانقلاب وروسته یی له هغه ځایه ځان هم ونه شوویستلای هسپانیه یی ژوندی مثال دی.
مسلمانان نن ولی بدی ورځ مخ دی اوولی نن خپل له ذلت سره مخ مخونه ګوری اوسره له دی چی شمیریی په کروړونو دی بیاهم دنورود ژوندپسی ستړی ستومانه دی دبل په ژوندکی خپل ژوندلټوی ددی ځواب د رسول الله صلی علیه وسلم په حدیث کی تیرشوی چی له ژوند او دنیا سره مینی او له مرګه ویری ددوی داسی حال کړی هعه وخت چی مسلمان له ژوند سره مینه او له مرګه ویره نه لرله اودجنت دلاس ته راوړولو لپاره چی پرته له مرګه په لاس نه شی راتلای په هیڅ شی صرفه نه کوله که څه هم دهغوی شمیر کم وو خو په نورو قومونو او ملکونو حکمر انان وو او دالله عزوجل په لاره کی دجهاد کولو په وسیله یی دنورو تر زړونو حکومت کاوه نن هم چی مونږ په کوم حال کی واقع یوو هغه بدلولای شو خوپدی شرط چی دتیرو مسلمانانو په څیر دنیاسپکه ذلیله اومرګ له ځانه ګران وګڼواو کنه نو ذلت او رسوایی به ورځ تربلی مخ پروړاندی روانه وی اوزیاتیږی به.
ترمذی شریف
