کابل ټکی کام ۷ زمری ۱۳۹۴
ليکوال ـ فکري مبارز
مرګ د هر چا يوه ورځ ميلمه کيږي ، هيڅوک هم په دنيا کې د تل لپاره د ژوندي پاتې کيدو قباله نلري ، خو د نيکانو دعا تل دا وي چې يا الله تر هغو مو ژوندي لرې چې په ژوند کې مو خير وي.
يا له الله جل جلاله سره عاجله لقاء غواړي ، د شهادت سوالونه کوي او د استشهاد لاره نيسي.
زموږ امير ( عاليقدراميرالمؤمنين ملا محمد عمر مجاهد حفظه الله ) له مرګ نه ويريدونکی شخص ندی ، هغه هم بيا د الله جل جلاله په لار کې د عزت له مرګ څخه .
څلور ځله ټپي شوی .
که له مرګ نه وېرېدلای نو نه به يې د شوروي د سرو لښکرو او کمونستانو په ضد جهاد کاوه ، نه به يې د شر او فساد په ضد جهاد پيل کاوه او نه به يې له ټولې کفري نړۍ سره غيږ نيوله .
د ده ( حفظه الله ) لښکر د شهادت او استشهاد په روحيه سمبال لښکر دی. مرګ داسې خوښوي لکه رباني ، سياف ، پير ګيلاني ، مجددي ، حامد کرزی ، اشرف غني ، ډاکټر عبدالله ، عبدالحکيم منيب او نور چې د صليب او نفاق په لاره کې ژوند خوښوي.
که اميرالمؤمنين حفظه الله وفات او يا شهيد هم شي ، قوماندانان او لښکر به يې پر هغه چا راټول شي په چا چې ده حفظه الله اعتماد کړی.
دا راټوليدل به يې د اسلامي شريعت له لوري په ښودل شوې طريقه وي.
او که چا بغاوت کاوه داسې به ځپل کيږي لکه د اسلام لومړي خليفه حضرت ابوبکر صديق رضی الله عنه چې مرتدان وځپل.
کوم رواني او فکري بريد چې يو ناڅاپه د اميرالمؤمنين ملا محمد عمر مجاهد حفظه الله د ژوند په اړه د ګډوډو د اوازو په پلمه د مسلمانانو او د ده د سر سپارلو سپاهيانو د روحيې د ماتولو په موخه پيل شوی ، دغه بريد به له سترې ماتې سره مخ کيږي. ان شاءالله
دښمنان به له دغه فکري او رواني بريد څخه کوم په زړه پورې ارمغان خپل شړيدلي کور ته نه بلکه ګور ته به يې يوسي.
نه به د مات شوي عسکر جان مخه پرې ټينګه کړي او نه به پرې د فتنو نوې توره تياره په سپينه رڼا غالبه کړي.
د عاليقدر اميرالمؤمنين حفظه الله سرسپارلو او وفادارو مشرانو ملګرو ، قوماندانانو او سپاهيانو !
يوازې د حضرت ابوبکر الصديق رضی الله تعالی عنه په څير په پياوړي ايمان تاسې د بې ننګه دښمنانو دغه ستر بريد شنډولای شی !
هر يو راپورته شئ او د الله جل جلاله دا قول د خپلې پاڼې او حساب په مخ وليکئ :
( وَمَا مُحَمَّدٌ إِلَّا رَسُولٌ قَدْ خَلَتْ مِنْ قَبْلِهِ الرُّسُلُ أَفَإِنْ مَاتَ أَوْ قُتِلَ انْقَلَبْتُمْ عَلَى أَعْقَابِكُمْ وَمَنْ يَنْقَلِبْ عَلَى عَقِبَيْهِ فَلَنْ يَضُرَّ اللَّهَ شَيْئاً وَسَيَجْزِي اللَّهُ الشَّاكِرِينَ ) آل عمران/ 144
ستاسې د ډاډ لپاره دومره بس ده چې د تاسې جهاد او مبارزه د الله لپاره ده.
الله مکړه که اميرالمؤمنين حفظه الله وفات هم شي نو الله د تل لپاره ژوندی دی.
منافقان د اسلامي امارت د مشرانو په منځ کې د درز او اختلافاتو خبرې کوي ، نه کوم درز شته او نه کوم اختلافات !
تاسې بايد په خپلو ټولو مشرانو باور ولرئ ، ځکه چې ستاسې اميرالمؤمنين حفظه الله پرې باور لري.
وړې وړې ګيلې او واړه واړه نقصانات چې د اصلاحاتو کوشش يې هم روان وي په دې پسې بايد ونه ګرځو !
مشکل له دې نه جوړ دی چې هر څوک ټولنيزو شبکو ته لاسرسۍ لري ، او د اسلام ، جهاد او اسلامي امارت عليا مصالحو ته له پام پرته د خپل ستر کور رازونه له دښمنانو او رقيبانو سره شريکوي.
تاسې ته يو بل زيری هم درکوم چې ډير زر به د مذاکراتو او سولې ډنډورچيانو مخونه تور شي او اسلامي امارت به يې پر مخ داسې درنې څپيړې ورکړي چې له مذاکراتو څخه به يې زړونه ورتور کړي. ان شاءالله
په دې حساسه مرحله کې چې جهاد د بريا په پولو ولاړ دی داسې ستر امتحانونه کومه نوې او عجيبه خبره نده !
د اسلام تاريخ ته وروګرځئ !
پوه به شی چې په مسلمانانو څومره ستر امتحانونه راغلي دي.
څومره استقامت يې کړی ، له څومره صبر نه يې کار اخيستی ، او څومره ښه الله جل جلاله له سترو ازمويښتونو څخه بريالي ايستلي دي.
و من الله التوفيق
– See more at: https://kabull.com/Maqalay_Details.php?maqala_details=16#sthash.dXKyycl7.dpuf
