لاروى
دمخه هم په مبايلونو کې دا څرګندېده چې څوک په کوم ځای او کوم لوري کې مېشت دی، له کومه ځايه خبرې کوي، په کوم ښار کې دا مهال اوسي او له خبرې کوونکي سره یې څو کيلومتره فاصله ده؛ خو اوس ګوګل يوه نوې اليکترونيکي آله جوړه کړې ده چې د موبايل، فېسبوک او نيټ استعمالوونکي هيڅ درواغ نه شي ويلای، که درواغ ووايي ګوګل ته څرګندېږي. دا آله په ځانګړې توګه هم پلورل کېږي او په موبایل کې هم ځای پر ځای کېږي.
ګوګل ويلي چې د دې آلې په جوړولو سره اليکترونيکي وسايلو باندې باور بيا راپيدا کېږي. دمخه به چې چا د ځای پوښتنه وکړه او درواغ به ورته وویل شول، په موبايل يا نوور اليکترونکي وسايلو باور له منځه ولاړ.
د ګوګل لخوا ټولو الکترونيکي وسایلو استعمالوونکو ته ويل شوي چې وروسته له دې به څو ک درواغ نه شي ويلای. په کوم ځای چې موبايل، فېسبوک او يا نيټ استعمالوي، ګوګل ته به په ډاګه وي. که څوک خپل ځاى غلط وښیي، ګوګل ځواب ورکوي چې درواغ دې وويل، دا مهال په فلاني ځای يا فلاني هوټل کې ناست ياست.
په لومړي ځل ګوګل دا آله د استخباراتي معلوماتو د څرګندولو لپاره جوړه کړې وه؛ خو اوس عام خلک، چې الکترونيکي وسايل کاروي، د ګوګل درواغو معلومولو آلې ته اړتيا لري، څو د کار او روزګار خلکو ته اسانتياوې برابرې شي.
ګوکل په دې آله یوه تڼۍ نصب کړې ده، که هغه تڼۍ کیکاږل شي او کومه شمېره ورکړل شي، آله څرګندوي چې د فلانۍ شمېرې موبایل په فلاني ځای کې دی. مخکې له دې چې د مبایل له څښتنه وپوښتل شي، د هغه ځای هم څرګندېږي. نو ګوګل په ډاګه کړې ده چې وروسته له دې، څوک په موبایل درواغ نه شي ویلی، که یې ووايي دا جوړه کړې آله یې، په کوم ځای کې چې مېشت وي، د هغه ځای او په موبایل د درواغجن عکس اخلي.
