په ۱۳۸۲ل کال کې لویې جرگې احمد شاه مسعود ته «د ملي اتل» لقب ورکړ او وروسته دغه اوونۍ د شهیدانو د اوونۍ په نامه نمانځل کېږي. د وږي اتلسمه په ټول هېواد کې عمومي رخصتي وي او په پلازمېنه کې بیا د شمال ټلوالې لنډغر عام خلک په عذابوي. په دغه ورځ جشن وي او لوړ پوړي چارواکي د پخوانیو جنگسالارانو یادونه تازه کوي.
د شمال ټلوالې ټول وژل شوي غړي ددوی په وینا شهیدان دي او په دوی کې د دفاع پخواني وزیر جنرال قسیم فهیم انځور هم د شهیدانو په لېست کې چاپ شوی وي. په داسې حال کې چې جنرال فهیم په خپل مرگ ومړ. د شمال ټلوالې ټول وژل شوي د امریکا او امریکايي گټو لپاره وژل شوي، نه د اسلام، نه د هېواد او نه هم د ناموس په لار کې وژل شوي؛ بلکې ټول یې د اسلام په دښمنۍ کې وژل شوي؛ خو دوی یې بیا هم شهیدان بولي.
امریکا او ناټو شمال ټلواله په تېرو شپاړس کلونو کې دومره وپړسوله، چې نن یې یو والي ټول حکومت گواښلی شي او اوس هم کلیدي وزراتونه او لوړې څوکۍ د شمال ټلوالې په ولکه کې دي.
دا چې شهید چاته ویل کېږي او شهیدان څوک دي، په دې هر مومن خبر دی. د شهیدانو مرتبې او حالتونه هم سره توپیر لري؛ خو تر ټولو لومړی شهید هغه دی، چې اسلامي خاورې او د اسلام په دفاع کې له کفارو سره په مخامخ جگړه کې ووژل شي. د قران په آل عمران سورت کې الله جل جلاله فرمايي. وَلاَ تَحْسَبَنَّ الَّذِينَ قُتِلُوا فِي سَبِيلِ اللّهِ أَمْوَاتاً بَلْ أَحْيَاءٌ عِنْدَ رَبِّهِمْ يُرْزَقُونَ
ژباړه: ( اې پېغمبره!) د خداى په لار كې وژل شوي، مړه مۀ ګڼه؛ بلكې ژوندي دي (او) د خپل پالونكي پر وړاندې روزي وركول كېږي!
( آل عمران/۱۶۹)
زه حکم نه کوم او نه فتوا صادروم؛ خو د قران او احادیثو په رڼا کې د شمال ټلوالې هېڅ وژل شوی غړی شهید نه دی. شهیدان معلوم دي او هغه شهیدان دي، چې د امریکايي او ناټو پوځیانو پر وړاندې یې خپلې سینې سپهر کړي او د دوی د بې پېلوټه، جېټ او چاپو پر وړاندې مخامخ جگړه کوي او خپل سرونه د اسلام او خپلې خاورې څخه نذرانه کوي.
احمد شاه مسعود، برهان الدین رباني، جنرال قسم فهیم، عبدالعلي مزاري او نور هغه څوک وو، چې تل یې د مسلمانانو پر وړاندې د کفارو په ملاتړ جگړه کوله او د امریکايي گټو لپاره یې ځانونه قربان کړي.
اوس دوی الله جل جلاله ته ورغلي او هغه لوی ذات به ورسره خپله حسابي کوي.دلته یې عام خلک هم په ژوند تنگ وو او اوس یې په مړینه هم تکلیفونه گالي.
