عزیر اسدخیل
شهید عمرمختار رحمه الله د هغه مدرس مجاهد نوم دی چې له نن نه شپږ اتیا کلونه وړاندې (په ۱۹۳۱م کال د سپتمبر په ۱۶مه) چې د لیبیا بن غازي ښار ته څیرمه په یوه نږدي سیمه کې د وخت د ایټالوي ښکیلاکګرو څخه د خپلې خاورې د خپلواکۍ د ترلاسه شکولو لپاره وسله وال جهاد او مبارزه کوله او بالآخره د ایټالوي ښکیلاکګرو لخوا دغه سپین ږیرې دیني عالم چې په عام ولس کې یې د بیدیا زمري په نوم مشهور شوی و په ډیرې بې دردۍ سره اعدام او په شهادت ورسول شو .
د ښکیلاکګرو او د موکراسۍ درواغجنو مدعیانو او دغربیانو په ټنډه له ډیری تورو داغونو سره یو ځای د دغه سپین روبي عالم بې ګناه او مظلومانه ډول اعدامول هم یو هم تور داغ دی؛ هغه غربي نړۍ چې له یوې خوا د بشري حقونو او دموکراسۍ چیغې او نارې وهي او له بلې خوا بیا د خپلې خاورې او دین نه دفاع کوونکي سپین ږیري انسانان هم اعداموي، پرون چې د بیدیا دغه زمری عمر مختار یې خپلواکۍ ته پرینښود او نن د اسلام پالو نهضتونو پرخلاف په افغانستان، لیبیا، الجزایز، صومالیه او نورو هیوادونو کې له خپلو ناوړه او کرکجنو اعمالو څخه هم نه لاس په سر کیږي
ګرد اسلامي امت به پر دغه ستره هستۍ آن تر قیامته ویاړي او لیار یې د ځان لپاره روڼ مشال ګڼي او هم یې مظلومانه او له درده ډک شهادت ته د عقیدت ګلونه وړاندې کوي، روح دې ښاد وي او جنة الفردوس دې ځای وي له نبیانو، شهیدانو او صدیقینو سره یو ځای کړي.
