نعمان لطیف
دکابل اداره نه دسولې واک لري نه سولې ته اراده؛ په جګړه کې یې ګټې او وجود خوندي دي او چې دجګړې ماشین پرچاؤ شو، د کابل بلواک مشران اتومات له واک لوېږي
له هغه نظام او ادارې چې تر دې اندازې بې واکه او کمزورې وي چې دیرغلګرو له مداخلې، مرستې او مشؤرې پرته یو والي نشي ګوښه کولای، او د نوي نوماند والي چېغې یې درسنیو له لارې ټوله نړۍ واوري (چې که یې له دوه میاشتني انتظار ورسته هم سرنؤشت معلوم نشي له هېواده به ووځي)؛ د دومره سترې نړیوالې جګړې اړؤند دپرېکړې دصلاحیت توقع، باؤر وکړئ په همدغه اداره پورې او په چارؤاکو او حتی ځان پورې دجهان خندؤلو په مانا دي
احیاناً که چېرې طالبان دکابل ادارې سره سوله هم وکړي؛ دداسې سولې فایده به څه وي چې دلته د امریکایانو ټول جنګي ماشین فعال وي؟
که وایو چې له سولې وروسته امریکایان وځي؛ دا به هسې ځان غلطؤل وي، که نه نو همدا خبرې امریکایان ولې نکوي چې که چېرې طالبان دکابل له ادارې سره جوړ جاړی وکړي موږ به خپل ځواکونه د افغان له خاؤرې وکاږو؟
که وایو چې که چېرې طالبان دکابل سره سوله وکړي په ګډه به امریکایان له وطنه وشړو؛ بیا نو د اختلاف نکته ختمه ده او سر له نن ورځې بسم الله ده، دکابل اداره دې د بین الافغاني جوړ جاړي په پار طالب زندانیان له زندانه ازاد کړي، شپني عملیات دې ودرؤي، په کلیو او کورونو دې وحشیانه بمبارۍ او دړندو هوانونو توغؤل ودرؤي، د افغان اردو عسکرو ته دې صلیبي یرغلګرو پوځیانو ته دطالبانو درسېدا لپاره دلارو خوشې کؤلو هدایات ورکړي، او دطالبانو دا شرط چې اشغالګر دې دمعتبر نړیوال تضمین په ورکؤلو سره د اشغال دخاتمې وعده وکړي؛ په همدې شېبه ومني، دستي جګړه او کیسه ختمه ده.
باؤري یو چې دکابل اداره بېواکه ده، نه د بمبار بندؤلو واک لري، نه دزندانیانو د ازادؤلو، او نه دجګړې دبندؤلو؛ ارګبکیان له جګړې ترزیق کېږي، دجګړې په چالان ماشین ددوی دژؤند ژرندې چالان دی، او د معنوي ارزښتونو د خوندېتابه پر ځای یې شخصي ارزښتونه خوندي دي؛ داسې بې ارزښته، بلواکه او ماده پال افراد چې دشخصي ګټو لپاره تمام اسلامي او ملي ارزښتونه پامالؤي، کله صادقانه او تلپاتې سوله غواړي؟
اې پرته له دې چې دیرغلګرو پوځیانو په خلاف غوڅ او رغنده مقاؤمت وشي، نه جګړه ختمېږي او نه یرغلګر ځواکونه د اشغال ختمؤلو ته چمتو کېږي، نه د ارګ واکمنان ددې ملت خیر غواړي او نه ملت ته دخیر اراده لري
همدا نن په غزني کې اشغالګرو ماشومان شهیدان کړي، ارګ خاموش دی، د وزیر خوله مهرلاک ده، او د پارلمان او سنا غړي چوپه خوله دي.
باید چوپه خوله شي ځکه چې جګړه ددوی نه ده، نه ددوی په واک کې ده، نه دوی دجګړې ذي دخل جهت دی
جګړه سوچه امریکایي او افغاني ده، له یوې خوا جګړه امریکایان رهبرې کوي او له بلې خوا افغان طالبان او همدا دجګړې اصلي اړخونه دي؛ که سوله کېږي دهمدوی ترمنځ به کېږي او که جګړه وي دهمدوی ترمنځ به تر هغو جاري وي ترڅو یو لوری مات شي هله به جګړه ختمېږي.
